Pa danych žurnalisckaha rasśledavańnia šviedskaha vydańnia SVT razam z partniorami ź inšych krain, servis Yandex Maps schavaŭ abo zamaskavaŭ 119 abjektaŭ kala zachodniaj miažy Rasii.
Bolšaść z hetych abjektaŭ, jak śćviardžajecca, źviazanyja z vajskovaj infrastrukturaj i abaronna-pramysłovym kompleksam Rasii.
Siarod vyjaŭlenych abjektaŭ:
- 31 — pradpryjemstvy VPK, ramontu abo raspracovak;
- 29 — avijabazy;
- 16 — abjekty SPA, radyjołakacyi i suviazi;
- 12 — vajskova-marskija bazy i ramontnyja abjekty;
- 11 — łahistyčnyja abjekty, składy z palivam i bojeprypasami;
- 6 — harnizony i navučalnyja palihony;
- 4 — abjekty, źviazanyja ź jadziernaj śfieraj;
- 4 — kaśmičnyja abjekty;
- 3 — atamnyja elektrastancyi abo daśledčyja centry;
- 3 — inšyja vajskovyja abjekty nieviadomaha pryznačeńnia.
Žurnalisty adznačajuć, što raniej takich «zamaskavanych zon» u adkrytych kartach nie fiksavałasia, a masavaje prychoŭvańnie pačało zaŭvažacca ŭ apošnija hady.
Taksama zhadvajecca rašeńnie rasijskaha suda 2024 hoda, jaki abaviazaŭ Yandex schavać Razanski naftapierapracoŭčy zavod paśla ździejśnienych suprać jaho atak.
Ekśpierty, na jakich spasyłajecca vydańnie, adnak, ličać, što padobnyja sproby abmiežavać dostup da kartaŭ mohuć mieć chiba tolki abmiežavany efiekt, bo abjekty ŭsio roŭna možna identyfikavać pa spadarožnikavych zdymkach i inšych adkrytych krynicach.
«Jandeks Braŭzier» analizuje navat asabistyja paviedamleńni. Voś jakija źviestki źbirajuć braŭziery i čamu heta važna
Rasijskija anłajn-karty z hoda ŭ hod adbivajuć biełaruskuju aŭdytoryju ŭ Google
Kala rezidencyi Uładzimira Pucina na Vałdai pierakryli 90 kiłamietraŭ fiederalnaj trasy
Rasijanka pierajechała ŭ viosku pad Oršaj i ździŭlena biełaruskim standartam. «Tut pastajanna jość śviatło»
Ciapier čytajuć
U Francyi ad śpioki zahinuŭ dalnabojščyk z Dokšycaŭ1
Kamientary
Podnimajem archivy tiech žie jandieks-kart i vidim, to, čto chotiat stierieť i spriatať.
Bolš poŭny artykuł nie na SVT, a na NRK: "Order 138: Russia's hidden defense industry grows behind Yandex's blurs".