Pucin pamieraŭ kiłamietrami, kolki rasijskaj armii jašče zastałosia da pieramohi
Prezident Rasii Uładzimir Pucin u intervju prapahandystu Paŭłu Zarubinu vykazaŭ svajo bačańnie situacyi na rasijska-ŭkrainskim froncie i zajaviŭ pra nieabchodnaść naroščvać vytvorčaść SPA.
Pucin zajaviŭ, što Rasii nieabchodna pastajanna pavialičvać vytvorčaść sistem supraćpavietranaj abarony i ŭdaskanalvać ich dla pastavak u vojski, a taksama dla abarony krytyčna važnaj infrastruktury.
Pavodle jaho słoŭ, nieabchodnyja srodki abarony ŭ krainy jość, ale hałoŭnaja zadača — pavialičyć tempy ich vytvorčaści i pastavak. Pucin taksama zajaviŭ, što ŭdary pa rasijskaj nibyta cyvilnaj infrastruktury nie ŭpłyvajuć na situacyju na linii frontu i nie prymusiać Maskvu spynić nastupalnyja dziejańni.
Kamientujučy chod bajavych dziejańniaŭ, Pucin zajaviŭ, što hałoŭnaj zadačaj Rasii pa-raniejšamu zastajecca poŭnaje ŭziaćcie pad kantrol Danbasa. Situacyju ž dla rasijskich vojskaŭ jon acaniŭ aptymistyčna.
Rasijskija vojski, pa jaho źviestkach, kantralujuć 96 % Kanstancinaŭki i nablizilisia da Słavianska na adlehłaść 8—9 kiłamietraŭ. U Sumskaj vobłaści metaj rasijskaj armii jon nazvaŭ stvareńnie «zony biaśpieki», adznačyŭšy, što da Sumaŭ zastajecca 10,5 kiłamietraŭ.
Ukrainski manitorynhavy kanał Deep State adrazu paśla vykazvańniaŭ Pucina acaniŭ ich praŭdzivaść na karcie. Pavodle ich viersii, da Sumaŭ, naprykład, zastajecca bolš čym napałovu bolš, čym śćviardžaje rasijski lidar — kala 23 kiłamietraŭ.
Da kančatkovaha ž akružeńnia farmavańniaŭ USU kala Staroha Askoła zastajecca, pavodle Pucina, usiaho kala 2 kiłamietraŭ. Ale jość niuans: Stary Askoł uvohule rasijski horad u Biełharadskaj vobłaści, za 120 kiłamietraŭ ad miažy z Ukrainaj.
Uzbrojenyja ž siły Ukrainy, pavodle acenki Pucina, sutykajucca z vostrym deficytam asabovaha składu. Adnak ža, maŭlaŭ, nie vyklučajucca dyviersijnyja apieracyi ŭkrainskich śpiecpadraździaleńniaŭ, jakija mohuć vykarystoŭvać rasijskuju vajskovuju formu.
Taksama Pucin zakranuŭ situacyju z palivam u Rasii. Jon zajaviŭ, što deficyt paliva na ŭnutranym rynku nie źjaŭlajecca krytyčnym, a pastaŭki paliva ŭ Krym buduć pavialičanyja i praciahnucca jak suchaputnym, tak i marskim šlacham.
«A car ža niesapraŭdny!» U Rasii narastaje razdražnieńnie Pucinym
Rasijski vajskoviec, jaki vajavaŭ va Ukrainie, zapisaŭ zvarot da Pucina i papiaredziŭ pra miaciež. Jaho aryštavali
Łaŭroŭ admoviŭsia razumieć zajavy ZŠA pra adsutnaść damoŭlenaściaŭ z Pucinym u Ankorydžy
Asnoŭnaj reakcyjaj na Pucina, Łaŭrova, Piaskova ŭ rasijskim telehramie staŭ kłoŭn
Kamientary