Jość čatyry važnyja punkty.
Vydańnie The Independent z razmoŭ z ukrainskimi vysokapastaŭlenymi krynicami akreślivaje takija «čyrvonyja linii» z boku Ukrainy pry pieramirji:
- bolš nijakich terytaryjalnych sastupak, niahledziačy na žadańnie Pucina całkam zachapić čatyry ŭkrainskija vobłaści;
- viartańnie tysiač ukrainskich dziaciej, vyviezienych Rasijaj;
- viartańnie tysiač cyvilnych asob, jakich niezakonna ŭtrymlivaje Rasija, jakija nie ličacca vajennapałonnymi i tamu nie buduć uklučany ŭ prahramu abmienu vajennapałonnymi;
- mižnarodnyja harantyi biaśpieki na vypadak, kali Pucin parušyć pahadnieńnie ab spynieńni ahniu.
Kijeŭ śćviardžaje, što jamu viadoma prynamsi pra 20 000 dziaciej, jakich vyvieźli ŭ Rasiju ci na akupavanuju Rasijaj terytoryju biez zhody siamji abo apiekunoŭ z pačatku vajny.
Adnym z klučavych patrabavańniaŭ pahadnieńnia źjaŭlajecca viartańnie hetych dziaciej i spynieńnie palityki rusifikacyi, u jakuju ŭvachodziać prymusovaje atrymańnie rasijskich pašpartoŭ i łahiery pieravychavańnia.
Inšaja prablema — patrabavańnie Pucina, kab u ramkach luboj uhody Ukraina całkam sastupiła Chierson, Zaparožža, Danieck i Łuhansk, jakija byli častkova akupavanyja rasijskimi vajskoŭcami z 2014 hoda.
Na praciahu niekalkich miesiacaŭ paśla poŭnamaštabnaha ŭvarvańnia ŭ 2022 hodzie Maskva «aneksavała» hetyja rehijony, pravioŭšy padkantrolnyja referendumy na akupavanych imi terytoryjach, jakija mižnarodnaja supolnaść ličyć niezakonnymi.
Ukrainskija aficyjnyja asoby paviedamili The Independent, što jany źmirylisia z tym, što dla pieramirja ciapierašniaja linija frontu budzie zamarožanaja, ale sastupka luboj dadatkovaj terytoryi stanie «čyrvonaj linijaj».
Vysokapastaŭlenyja ŭkrainskija krynicy, infarmavanyja ab biahučych pieramovach, kažuć, što mała chto vieryć u toje, što Rasija pahodzicca na razumnuju ŭhodu. «My čakajem čarhovaha padvochu», — kažuć jany.
-
«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ
-
«Heta budzie zusim novy i značna lepšy śviet». Tramp prakamientavaŭ prapanovu Pucina adnavić pieramovy z Ukrainaj
-
Pucin prapanavaŭ Ukrainie adnavić mirnyja pieramovy ŭ Stambule 15 maja
Ciapier čytajuć
«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ1
Kamientary