Na rynku jość niezvyčajnaja alternatyva studyjam i brežnieŭkam. Što takoje biznes-apartamienty, jakija ŭ ich plusy i minusy

Biznes-apartamienty

Taki vid žytła dla Biełarusi adnosna novy, tamu i małaznajomy. Na zakanadaŭčym uzroŭni jon źjaviŭsia tolki naprykancy 2020 hoda.

Kažučy prostymi słovami, heta tyja samyja šmatpaviarchoviki, pamiaškańni ŭ jakich zavucca nie kvaterami i nie ofisami, a mienavita «biznes-apartamientami». Unikalnaść takich pamiaškańniaŭ u tym, što jany aficyjna pasujuć jak dla pražyvańnia i rehistracyi, jak u zvyčajnaj kvatery, tak i dla rehistracyi tam jurydyčnaj asoby i, adpaviedna, viadzieńnia biznesu.

Atrymlivajecca taki jurydyčna hnutki farmat, bo ŭ ofisnych i administracyjnych pamiaškańniach nielha prapisacca, a ŭ žyłych — vieści kamiercyjnuju dziejnaść.

Mienavita «biznes-apartamienty» na siońnia majuć samy tanny kvadrat u zabudoŭščykaŭ. U 2023‑m ceny naohuł pačynalisia z 1050 jeŭra za mietr.

Što pa cenach?

Samaja tannaja prapanova ciapier — heta apartamienty na 25 mietraŭ u domie pa adrasie vulica Ihara Łučanka, 4, prosiać za ich 41 900 jeŭra, što pa 1676 jeŭra za mietr. Dom zdaduć tolki ŭ 2027 hodzie.

U domie pa adrasie vulica Savickaha, 24, jaki ŭžo zdali ŭ ekspłuatacyju, ułaśniki pierapradajuć adrazu niekalki biznes-apartamientaŭ ahulnaj płoščaj 21,4 mietra.

Pavialičyć

Za samyja tannyja prosiać 43 000 jeŭra, abo pa 2000 jeŭra za mietr. Inšyja aceńvajuć anałahičnyja pamiaškańni daražej i prosiać pa 45 500—46 500 jeŭra (2126—2172 jeŭra za mietr).

Za apartamienty płoščaj 24,7 mietra va ŭžo dabudavanym domie prosiać ad 49 200 da 51 600 jeŭra, ci pa 1990—2090 jeŭra za kvadrat.

Pavialičyć

Na sajcie zabudoŭščyka volnych biznes-apartamientaŭ pradajecca niašmat, ale ceny vyhladajuć pryvabnymi. 

Naprykład, apartamienty z ahulnaj płoščaj 76 mietraŭ pradajuć pa 1185 jeŭra za mietr, a pry chutkim raźliku robiać źnižku da 1031 jeŭra. Praŭda, jość niuans: z 76 mietraŭ amal 10 mietraŭ — heta łodžyja. 

Pavialičyć

Samy tanny mietr — u 87‑mietrovych apartamientach. Ale ź ich 25 mietraŭ — heta łodžyja. Zatoje mietr usiaho pa 1000 jeŭra ci navat pa 870 jeŭra, kali raźličycca chutka. 

Tanna, ale ź niuansami…

Nizki košt, jak heta čaściakom byvaje, praduhledžvaje peŭnyja minusy, i, naturalna, u takich kvater jany taksama jość.

Pa-pieršaje, ułaśniku takoha pamiaškańnia treba viedać, što apłata kamunalnych pasłuh budzie adbyvacca pa tych ža taryfach, što isnujuć dla IP i jurydyčnych asob.

Pavialičyć

Pa-druhoje, rabić pierapłaniroŭku (a navat vialikija pa płoščy biznes-apartamienty zdajucca bieź ścien) budzie składaniej i daražej, čym u žyłym pamiaškańni. I kali dla maleńkich studyj heta nie pieraškoda, to ŭłaśnikam bolš prastornych apartamientaŭ daviadziecca vykłaści kala 10 000 rubloŭ na afarmleńnie madernizacyi pamiaškańnia.

Aproč taho, treba być hatovymi, što pobač z vašaj kvateraj moža znachodzicca niejki biznes, ad jakoha budzie iści dadatkovy šum ci prosta pa padjeździe budzie prachodzić našmat bolš ludziej, čym u zvyčajnym žyłym domie.

Jašče adzin minus takoj biznes-kvatery kryjecca ŭ tym, što na jaje prodaž nie raspaŭsiudžvajecca padatkovaja lhota, jakaja prymianiajecca dla žyłych pamiaškańniaŭ.

Pavialičyć

I kali, naprykład, kvateru, jakaja znachodzicca na pieršym paviersie, pieravieści ŭ niežyły fond možna, to źmianić jurydyčny status biznes-apartamientaŭ niemahčyma.

A plusy buduć?

Aproč nizkaj cany kvadrata da plusoŭ možna adnieści tuju samuju mahčymaść rehistravać pa hetym ža adrasie jurydyčnuju asobu i vykarystoŭvać apartamienty dla kamiercyjnaj dziejnaści. U teoryi haspadar takoj nieruchomaści moža być prapisanym, žyć, zarehistravać biznes i pracavać u miežach adnych apartamientaŭ.

Jakija alternatyvy?

Nievialikija kvatery-studyi ŭ «Minsk-Śviet», u adroźnieńnie ad biznes-apartamientaŭ, źjava nie novaja. I ciapier, kali čałaviek pradaje mienavita kvateru, a nie apartamienty, to hety status žyłoha pamiaškańnia adznačajecca jak pieravaha.

Pavialičyć

Adpaviedna, i ceny bolš vysokija. Samaja tannaja kvatera-studyja ŭ «Minsk-Śviecie» na 23,6 kvadrata pradajecca za 59 200 jeŭra, što kala 2500 jeŭra za mietr.

Usiaho na tysiaču jeŭra daražej pradajuć «brežnieŭku» pa adrasie vulica Kabuškina, 76. Heta 59 500 jeŭra, ci kala 2800 jeŭra za kvadrat.

Pavialičyć

Za 21‑mietrovyja «brežnieŭki» sa starym ramontam prosiać pa 53‑56 tysiač jeŭra (kala 2500‑2650 jeŭra za mietr).

• 0
• 0
• 0
• 0
• 0
• 0
• 0
• 0