Trahiedyja ŭ Barysaŭskaj balnicy: unučka pacyjenta kaža, što na jaho źviarnuli ŭvahu praz šeść hadzin, kali ŭžo piena pajšła z rota — jon pamior
U pryjomnym adździaleńni balnicy №2 Barysaŭskaj CRB adbyłasia trahiedyja praz adsutnaść svoječasovaj miedycynskaj dapamohi, śćviardžaje ŭnučka pamierłaha pacyjenta.
Dziaŭčyna paviedamiła ŭ sacsietkach, što jaje dzieda Uładzimira Tkačova dastavili ŭ pryjomny pakoj kala 9 ranku. Kala 11‑12 hadzin jaho pahladzieŭ doktar i pastavili kropielnicu. Bolš da jaho doktar nie padychodziŭ, niahledziačy na skarhi na zdranćvieńnie ruki i zadyšku. Jany čakali dapamohu jašče šeść hadzin.
«My čakali 6 hadzin. U 18:40 u jaho pačałasia piena z rota. Tolki tady jaho zabrała reanimacyja. 6 hadzin biez dapamohi! Heta chałatnaść, jakaja kaštuje žyćcia. Čamu pažyły čałaviek ź simptomami insultu / infarktu 6 hadzin lažyć biez doktara?!» — aburałasia dziaŭčyna.
Paźniej jana napisała: «Dziadula pamior».
Dziaŭčyna źviarnułasia da Minzdaroŭja z patrabavańniem pravieści pravierku.
Pieršy namieśnik načalnika hałoŭnaha ŭpraŭleńnia pa achovie zdaroŭja Minskaha abłvykankama Iryna Łobach «Minskim navinam» paćvierdziła vypadak i paviedamiła pra pačatak raźbiralnictva:
«Pra situacyju nam viadoma. Pryniata rašeńnie ab stvareńni kamisii hałoŭnaha ŭpraŭleńnia dla vyśviatleńnia ŭsich abstavin zdareńnia. Pa hetym fakcie pravodzicca słužbovaja pravierka. Situacyja znachodzicca na kantroli», — skazała jana.
Kamientary
I mahčyma, pry ŭsioj žudasnaści, heta maksimum, što možna zrabić u takich vypadkach.
Ale heta prosta maje zdahadki.