Vialikabrytanija i Francyja pieradajuć Ukrainie sakretnyja danyja dla vytvorčaści kryłatych rakiet SCALP. Dla Krymskaha mosta?
Zbroja ŭkrainskaj zborki zdymaje z sajuźnikaŭ palityčnyja abmiežavańni na ŭdary pa abjektach u Rasii.
Vialikabrytanija dazvoliła jeŭrapiejskaj abaronnaj kampanii MBDA pieradać Kijevu sakretnuju techničnuju dakumientacyju pra brytanskija kampanienty dla dalnabojnych kryłatych rakiet SCALP — francuzskaha anałaha brytanskich Storm Shadow. Pra heta paviedamili ŭ kancylaryi premjer-ministra Vialikabrytanii Endzi Biornema.
Heta rašeńnie dazvolić Ukrainie i Francyi razharnuć łakalnuju vytvorčaść adpaviednych bojeprypasaŭ na ŭkrainskaj terytoryi.
Abviaščeńnie rašeńnia prymierkavali da Dnia niezaležnaści Ukrainy.
«U 35‑iu hadavinu niezaležnaści Ukrainy ŭkrainski narod nie musić sumniavacca: Vialikabrytanija padtrymlivaje vas siońnia i budzie padtrymlivać stolki, kolki spatrebicca. <…> Družba pamiž našymi dvuma krainami nadoŭha pieražyvie niezakonnuju vajnu Rasii», — zajaviŭ Biornem.
U siaredzinie lipienia prezident Ukrainy Uładzimir Zielenski paśla pieramoŭ z Emanuelem Makronam anansavaŭ, što Francyja pradastavić Ukrainie licenzii na vytvorčaść kryłatych rakiet SCALP, kiravanych avijabombaŭ AASM Hammer i zienitnych rakiet Aster 30.
Francuzskaja SCALP i brytanskaja Storm Shadow — heta faktyčna adna i taja ž rakieta z adnolkavymi charaktarystykami pad roznymi nazvami.
Kryłataja rakieta vialikaj dalnaści SCALP raspracavana na bazie francuzskaj rakiety Apache. Hałoŭnaje jaje pryznačeńnie — źniščeńnie praniknionym vybucham umacavanych celaŭ (bunkieraŭ, kamandnych punktaŭ i mastoŭ), u adroźnieńnie ad Apache, jakaja vykarystoŭvała kasietnyja bojeprypasy dla nakryćcia płoščaŭ.
SCALP — heta rakieta, jakaja pry ŭdałym prymianieńni zdolnaja razburyć Krymski most.
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks1818
Kamientary