U kvartale «Minsk-Śviet» źjavilisia damy z dvuchuzroŭnievymi kvaterami
Zdavałasia b, čym jašče moža ździvić «Minsk-Śviet»? 42-paviarchovy chmaračos jość, ułasny handlovy centr — taksama, taŭnchausy budujucca.
Ale dniami stała viadoma, što ŭ kvartale Happy Planet «schavalisia» damy vyklučna z dvuchuzroŭnievymi kvaterami. Vyšynnym budynkam pakul nie dali nazvy, ale my ŭžo možam zazirnuć unutr, piša Onliner.by.
Alaksandr Skobieleŭ, ekśpiert pa žyłoj i kamiercyjnaj nieruchomaści, jaki śpiecyjalizujecca na «Minsk-Śviecie», pakazaŭ u svaim videa adnu z takich kvater.
Jašče kali tolki byŭ adlity karkas vaśmipaviarchovych damoŭ, stała zrazumieła, što tut zadumali niešta cikavaje: vyšynia stolaŭ u kvaterach była vidavočna niestandartnaj. Kali pačałosia škleńnie budynka, zdahadki tolki paćvierdzilisia.
Pakul nieviadoma, ci ŭsie kvatery ŭ hetych damach majuć anałahičnuju płaniroŭku, ale hety varyjant vyhladaje jak vielmi prastornaja jeŭradvuška: na pieršym uzroŭni — sanvuzieł i vialikaja ahulnaja prastora z druhim śviatłom (hihanckaje akno vychodzić na budučy park). Na druhi pavierch viadzie časovaja draŭlanaja leśvica. Mietraŭ naviersie nie tak i šmat: jašče adzin sanvuzieł, nievialiki «kapitanski mastok» i pakoj z łodžyjaj.
Jašče na minułym tydni žurnalisty paprasili zabudoŭščyka raskazać padrabiaźniej pra prajekt i damy. Ale pakul nie atrymali adkazu. Što ž, čakajem aficyjnuju prezientacyju prajekta (i dumajem, jak žychary buduć myć vokny, kali zasialacca).
Ciapier čytajuć
Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia47
Kamientary