U Minsku pradajuć niestandartnuju 3-uzroŭnievuju kvateru. Cana moža pryjemna ździvić
Kvatera ŭ troch uzroŭniach — davoli redkaja źjava dla Biełarusi.
Znachodzicca trochuzroŭnievaja čatyrochpakajoŭka ŭ domie 1994 hoda pabudovy, pa adrasie Maksima Bahdanoviča, 108. Ahulnaja płošča kvatery — 116 m².
Na pieršym uzroŭni mieścicca prychožaja, vialikaja prachadnaja haścioŭnia na 22 kvadraty z vychadam na łodžyju i kuchniu pamieram 8 kvadrataŭ. Taksama na pieršym paviersie jość sanvuzieł z dušavoj kabinaj.
Ramont u kvatery stary, imavierna jaho rabili ŭ pieršyja hady paśla taho, jak dom byŭ zdadzieny ŭ ekspłuatacyju. U haścioŭni ŭstalavany kandycyjanier. Va ŭsich žyłych pamiaškańniach parkietnyja padłohi.
Na druhim uzroŭni znachodzicca prastorny spalny pakoj z łodžyjaj i kładoŭkaj, schavanaj za šafavymi dźviaryma.
Na trecim — dva spalnyja pakoi na 10,8 i 15,7 kvadrata. Kožny pakoj maje łodžyju.
Taksama na trecim uzroŭni majecca druhi sanvuzieł, tolki ŭžo nie z dušavoj kabinaj, a z vuhłavoj vannaj i bide. Bačna, što ciapierašnija haspadary vielmi lubiać dyvany. Navat u vannym pakoi lažyć dyvanovaja darožka.
Ahułam interjery hetaj kvatery nahadvajuć dychtoŭnaje lecišča, kudy paśla ramontu źvieźli staruju meblu i techniku z kvatery.
Jak paznačana ŭ abjavie, kvatera pradajecca razam z meblaj i technikaj.
Prosiać za hetuju čatyrochpakajoŭku 167 tysiač dalaraŭ, što kala 1 440 dalaraŭ za kvadrat. Dla paraŭnańnia — siaredni košt mietra ŭ čatyrochpakajoŭkach Minska na padstavie prapanoŭ składaje 1 726 dalaraŭ.
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary