U Minsku pradajuć zvyčajny zvonku dom, ale z bahatym načyńniem: pazałotaj, lapninaj i karcinami na ścienach
U Partyzanskim rajonie Minska znoŭ źjaviŭsia ŭ prodažy znakamity «Vieniecyjanski pałac» sa Ściapianki. Heta toj redki vypadak, kali za zvyčajnym fasadam chavajucca sapraŭdnyja carskija pakoi — z karcinami na ścienach, pazałotaj i lapninaj. Za paŭtara hoda košt doma źniziŭsia amal udvaja, piša Onliner.by.
Cahlany trochpaviarchovy dom (u raźlik uklučany i cokalny pavierch) maje amal 500 kvadratnych mietraŭ, ź jakich 135 — žyłyja. Katedž pabudavany ŭ 2007 hodzie na vulicy Paŭdniovaj, usiaho ŭ dvuch krokach ad lesaparku.
U domie — čatyry žyłyja pakoi, płoščaj ad 28,7 da 37 «kvadrataŭ», prastornaja kuchnia-haścioŭnia (27 m²), dva sanvuzły i vialiki choł na 60 m².
Uładalniki padyšli da afarmleńnia interjera vielmi aryhinalna: bolšaść ścien i stolaŭ upryhožany pazałotaj, na ścienach visiać karciny viadomych mastakoŭ. Lapnina, kali vieryć aŭtaru abjavy, zroblena ŭručnuju z hipsu.
Centralny elemient haścioŭni — kavanyja schody z kałonami, a zaviaršaje karcinu efiektnaja češskaja lustra. Na padłozie — kieramahranit z padahrevam, vokny sa šprosami. Usia mebla i dekor pierajduć novym uładalnikam u padarunak.
U domie jość usie nieabchodnyja kamunikacyi. Dla kamfortu ŭstalavana dva katły (Bosch i Rinnai). Cokalny pavierch možna pieratvaryć u kamiercyjny abjekt — naprykład, abstalavać pad parkoŭku na 6 aŭtamabilaŭ.
Dom staić na roŭnym učastku pravilnaj formy płoščaj 7 sotak. Infrastruktura raźvitaja: usiaho ŭ 5 chvilinach chady — prypynak hramadskaha transpartu.
Stać uładalnikam dvuchpaviarchovaha doma ŭ Minsku možna za $260 tysiač pa kursie. Nahadajem, amal dva hady tamu za jaho prasili $419 tysiač.
Ciapier čytajuć
70-hadovuju žančynu z Homiela pasadzili za kamientary. Heta samaja pažyłaja palitźniavolenaja15
Kamientary