Dzikija žyvioły ŭ Hrodna zachodziać rehularna. Sustrakali tut i łasioŭ, i kazul, na nievialikich rekach navat u centry horada žyvuć babry, a lisy zahladajuć ledź nie va ŭsie rajony horada. U rajonie Alšanka vizity hetych rudych haściej užo zusim zvykłaja sprava, piša Newgrodno.by.
«Ludzi ŭžo stamilisia ad ich našeścia. Tym bolš, źviary niebiaśpiečnyja. Na dniach na vačach va ŭsich lisa razarvała kata», — raskazaŭ čytač Newgrodno.by, padzialiŭšysia i šakavalnymi kadrami.
Kali vy zaŭvažyli ŭ horadzie lisu abo inšaha lasnoha viziciora, to lepš budzie prosta nie nabližacca da jaho. Ni ŭ jakim razie nie varta karmić žyvioł abo sprabavać ich pahładzić. Dziki źvier luby žest ci navat huk moža ŭspryniać jak niebiaśpieku i tut ža prajavić ahresiju.
Varta pamiatać, što dzikija žyvioły čaściakom pieranosiać mnostva zachvorvańniaŭ i infiekcyj. Samaje niebiaśpiečnaje ŭ hetym vypadku — šalenstva. Kali lisa vas ukusiła, nieadkładna źviarniciesia da doktara!
Ciapier čytajuć
Analityk Hienštaba, jaki malavaŭ kartu «adkul rychtavałasia napadzieńnie», apynuŭsia ŭ SIZA KDB za pracu na ŭkrainskuju raźviedku1
Kamientary