Miadźviedź, jakoha pabačyli dva hady tamu na Paleśsi, zdajecca, tam i pasialiŭsia
Buramu miadźviedziu, čyjo źjaŭleńnie ŭ Nacyjanalnym parku «Prypiacki» paśla bolš čym 40-hadovaj adsutnaści stała ŭ 2023 hodzie niečakanaściu, vyhladaje, hetyja miescy spadabalisia. Fotapastka zafiksavała drapiežnika tut znoŭ 20 sakavika, što moža śviedčyć pra jahonuju zimoŭku na terytoryi parku, paviedamlajecca na sajcie nacparku.
Pieršaje za doŭhija hady źjaŭleńnie miadźviedzia ŭ «Prypiackim» navukoŭcy zarehistravali ŭ vieraśni 2023 hoda. Da hetaha apošni raz jaho bačyli tut tolki adnojčy — u 1981 hodzie.
Viartańnie drapiežnika vyklikała vialikuju cikavaść u navukovaj supolnaści. Tady miadźviedź adznačyŭsia vizitam na pčalnik kala vioski Słavinsk Pietrykaŭskaha rajona, dzie pałasavaŭsia miodam.
U 2024 hodzie vosieńskija «vizity» miadźviedziaŭ pačaścilisia. Jany škodzili pčalnikam u vakolicach viosak Tarhošyn i Śniadzin Pietrykaŭskaha i Chłupin, Pieraroŭ dy Pieraroŭski Młynok Žytkavickaha. Adnak hetyja zachody ličylisia tranzitnymi, heta značyć u pošukach ježy.
U toj ža čas jašče ŭ sakaviku minułaha hoda miascovyja žychary paviedamlali pra śviežyja ślady, uklučajučy ekskremienty ŭ žuravinavym bałocie i ślady kipciuroŭ na chvoi ź dzikimi pčołami. Ale tady paćviardžeńnia zimoŭki miadźviedzia nie było.
Ciapier ža, dziakujučy fotapastcy, u navukovych supracoŭnikaŭ źjaviłasia mahčymaść nie tolki paćvierdzić fakt zimoŭki, ale i pravieści manitorynh mierkavanaha miesca žyćcia miadźviedzia i sabrać bolš infarmacyi pra jahonaje žyćcio ŭ parku.
Heta adkryćcio dało nadzieju navukoŭcam na adnaŭleńnie papulacyi buraha miadźviedzia ŭ rehijonie.
Ciapier čytajuć
Na vulicy Matusieviča ŭ Minsku pobač ź dziciačym sadkom upaŭ bieśpiłotnik35
Na vulicy Matusieviča ŭ Minsku pobač ź dziciačym sadkom upaŭ bieśpiłotnik
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć14
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2222
Kamientary