Korpus vartavych isłamskaj revalucyi pierachapiŭ uładu ŭ Madžtaby Chamieniei
Rola Chamieniei-małodšaha zvodzicca tolki da lehitymizacyi rašeńniaŭ, jakija prymajucca hienierałami, a nie da addačy ŭłasnych zahadaŭ.
Korpus vartavych isłamskaj revalucyi (KVIR) Irana pierachapiŭ uładu va ŭmovach vajny, asłabiŭšy rolu viarchoŭnaha lidara, paviedamlaje Reuters.
Z momantu svajho zasnavańnia ŭ 1979 hodzie Isłamskaja Respublika budavałasia vakoł viarchoŭnaha lidara, jaki vałodaŭ biassprečnaj uładaj, ale zabojstva ajatały Ali Chamieniei u pieršy dzień vajny pryviało da ŭstalavańnia inšaha paradku, u jakim daminuje KVIR i jaki charaktaryzujecca adsutnaściu aŭtarytetnaha lidara.
Paśla zabojstva Chamieniei viarchoŭnym lidaram byŭ pryznačany jaho syn Madžtaba Chamieniei, adnak jaho rola zvodzicca tolki da lehitymizacyi rašeńniaŭ, jakija prymajucca hienierałami, a nie da addačy ŭłasnych zahadaŭ, raspaviali ahienctvu try krynicy.
Pavodle słoŭ iranskich čynoŭnikaŭ i analitykaŭ, vajenny čas skancentravaŭ uładu ŭ vuzkim i žorstkim kole, u jakoje ŭvachodziać Vyšejšy saviet nacyjanalnaj biaśpieki, kancylaryja viarchoŭnaha lidara i KVIR.
Apošni ŭziaŭ na siabie daminujučuju rolu jak u vajennaj stratehii, tak i ŭ klučavych palityčnych rašeńniach.
«Irancy reahujuć vielmi pavolna», — skazaŭ vysokapastaŭleny pakistanski čynoŭnik, znajomy z chodam mirnych pieramoŭ pamiž Iranam i ZŠA, u jakich Isłamabad vystupaje pasiarednikam. «Vidavočna, adzinaj struktury, jakaja prymaje rašeńni, nie isnuje. Časam im patrabujecca ad dvuch da troch dzion, kab adreahavać», — adznačyŭ jon.
Pavodle analitykaŭ, pieraškodaj dla zaklučeńnia ździełki źjaŭlajucca nie ŭnutranyja supiarečnaści ŭ Tehieranie, a razryŭ pamiž tym, što Vašynhton hatovy prapanavać, i tym, što hatovy pryniać KVIR.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary
?? Arkaša Babčienko u NN??.
A u Rf pad čas pieršaj i druhoj čačenskaj vajny dzie ty dabraachvotna pajšoŭ da armii rf ni tak.?