Top-5 śfier, u jakich zaniatyja biełarusy: śviežaja statystyka ad Biełstata
U Biełstacie nazvali top-5 śfier, u jakich zaniatyja biełarusy. Infarmacyja pra heta raźmieščana ŭ statystyčnym ahladzie, vydadzienym da 1 maja, paviedamlaje BiełTA. Jak vynikaje ź jaho, absalutnaja bolšaść biełarusaŭ pracuje ŭ pryvatnym siektary.
Siaredni ŭzrost zaniatych u 2025 hodzie siarod žančyn skłaŭ 42,5 hoda, a siarod mužčyn — 42,4 hoda.
Bolš za ŭsio nasielnictva zaniata ŭ pryvatnaj ułasnaści — 57,1%, u dziaržaŭnaj — 38%.
U top-5 vidaŭ ekanamičnaj dziejnaści, u jakich zaniata nasielnictva Biełarusi pa vynikach 2025 hoda, uvajšli pramysłovaść (23,2%), aptovy i roźničny handal, ramont aŭtamabilaŭ i matacykłaŭ (13,4%), adukacyja (11%), sielskaja, lasnaja i rybnaja haspadarka (9,9%), achova zdaroŭja i sacyjalnyja pasłuhi (8,3%).
U śfiery pasłuh letaś byli zaniatyja 62,7% žančyn i 37,2% mužčyn. U śfiery vytvorčaści pieravažajuć mužčyny — 67,9% suprać 32,1% žančyn.
U ekanomicy Biełarusi ŭ 2025 hodzie było zaniata 50,4% žančyn i 49,6% mužčyn. Bolšaść ź ich haradžanie. U pracazdolnym uzroście ŭ ekanomicy zaniata 85,1% nasielnictva, a dola moładzi (15—31 hod) u ahulnaj kolkaści zaniatych składaje amal 20% (u tym liku na kiraŭničych pasadach — 11%).
Ahulnaja kolkaść zaniatych u ekanomicy Biełarusi ŭ sakaviku 2026 hoda skłała 4180,9 tys.
Biełaruś uvajšła ŭ suśvietny antytop-5 pa kolkaści naradžeńniaŭ
U Minsku siaredni zarobak składaje čatyry tysiačy rubloŭ
Biełarusy ŭ siarednim traciać u dzień 31 rubiel
Biełarusy stali čaściej žanicca, ale razvodziacca pa-raniejšamu šmat
Što płanuje biełaruskaja moładź? Dziaŭčaty — palepšyć materyjalnaje stanovišča, chłopcy — stvaryć siamju
Ciapier čytajuć
Pa padazreńni ŭ zabojstvie ciažarnaj minčanki zatrymali chakiejnaha sudździu Alaksieja Haŭrylonka4
Kamientary