Sustreča delehacyj Rasii i ZŠA ŭ Saudaŭskaj Aravii budzie zakrytaj. Žurnalistaŭ paprasili pakinuć terytoryju hatela.
Rasijskaja i amierykanskaja delehacyi pačali ŭ Er-Ryjadzie pieramovy pa ŭrehulavańni pamiž Maskvoj i Kijevam. Sustreča prachodzić u hateli Ritz-Carlton, žurnalistaŭ paprasili pakinuć terytoryju hatela.
Ekśpiertnyja kansultacyi pryśviečanyja pytańniam biaśpieki sudnachodstva ŭ akvatoryi Čornaha mora. Rasiju na pieramovach pradstaŭlajuć staršynia kamiteta Savieta Fiederacyi pa mižnarodnych spravach, były namieśnik ministra zamiežnych spraŭ Hryhoryj Karasin, a taksama daradca dyrektara FSB Siarhiej Biasieda.
U składzie delehacyi ZŠA, jak raniej pisała The Wall Street Journal, — dyrektar pa palityčnym płanavańni Dziarždepartamienta Majkł Entan, pamočniki śpiecyjalnaha pasłańnika prezidenta Kita Kiełaha i pradstaŭniki daradcy pa nacyjanalnaj biaśpiecy Majka Uołca.
Kamientary