Stała viadoma, jak budzie vyhladać Vaładarka paśla rekanstrukcyi
Apublikavali rendary taho, jak moža vyhladać Piščałaŭski zamak (dzie 200 hadoŭ była turma, a potym SIZA) paśla rekanstrukcyi. «Minskaja spadčyna» prystupaje da rekanstrukcyi byłoj turmy, raźmieščanaj u centry stalicy, pišuć Minsk-naviny.
Paśla rekanstrukcyi na terytoryi byłoj turmy (SIZA pierabrałasia ŭ Kaladzičy) zastaniecca piać budynkaŭ: sam zamak, adnapaviarchovy budynak za im, a taksama abjekty pieršaj linii z boku vulicy Vaładarskaha, jakija ciapier schavanyja za aharodžaj.
Astatnija budynki, a taksama płot buduć demantavanyja. Terytoryja stanie adkrytaj. Na joj zapłanavana płošča dla masavych mierapryjemstvaŭ, praduhledžana miesca dla ŭstanoŭki mabilnaj sceny. Taksama źjaviacca prahułačnaja zona i parkoŭka.
Na cokalnym i pieršym pavierchach zamka buduć raźmieščanyja abjekty hramadskaha charčavańnia z asobnymi ŭvachodami. Na druhim i trecim pavierchach płanujucca administracyjnyja pamiaškańni. Jak paviedamlajuć aŭtary kancepcyi, mahčyma, tam źjaviacca kavorkinh, vystavačnaja halereja, turystyčnaje biuro ci inšyja ofisy, aryjentavanyja na absłuhoŭvańnie klijentaŭ. Dla supracoŭnikaŭ administracyjnaj zony adkryjuć kafieteryj.
— Zabudova zvonku nahadvaje ścianu zamka, ale z unutranaha boku buduć pamiaškańni. Dźvie arki-ŭvachody — nie zusim histaryčna dakładnaje rašeńnie, ale ich pakinuć dziela zručnaści naviedvalnikaŭ, — raspaviadaje hałoŭny architektar prajektaŭ UP «Minskprajekt» Aleh Siarhiejeŭ. — U hetaj linii zabudovy płanujucca abjekty hramadskaha charčavańnia na 54 i 46 miescaŭ. Tam ža raźmieściacca administracyja kompleksu i jašče niekalki ofisaŭ. Taksama praduhledžana asobnaja hramadskaja prybiralnia.
Adnapaviarchovy budynak u dalokaj častcy terytoryi zachoŭvajecca, ale jaho pamiery buduć źmienšanyja da histaryčnych. Tam źjavicca restaran na 80 miescaŭ z mahčymaściu praviadzieńnia bankietaŭ.
Pavodle raspracavanaj kancepcyi budzie stvorany prajekt. Nie vyklučana, što padrychtoŭčyja budaŭničyja raboty na terytoryi kompleksu pačnucca ŭžo sioleta.
Meta rekanstrukcyi — «uklučyć terytoryju Piščałaŭskaha zamka ŭ ahulnuju haradskuju prastoru, zrabić jaje častkaj ekskursijnaha maršrutu pa histaryčnym centry».
-
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma
-
Ukrainski palitołah: Drony mohuć niečakana prylacieć i ŭ minski aeraport, i na naftapierapracoŭčyja zavody
-
Cichanoŭskaja pra Babaryku i Kaleśnikavu: Nie baču prablemy, kali jany buduć raźvivać svaju partyju
Ciapier čytajuć
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma5
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary
Był by prosto ACH..nyj muzier sovietskoho hułaha... A tak... Nikto prosto nie pojmiet i nie povierit... Atmośfiera kamier dołžna byť sochraniena inačie pustota vosprijatija... Śledy su..i zamietajut... Kak v Kuropatach i pročich miestach...
- dla publičnych pakarańniaŭ?
Śmiarotnaja kara, abo ludziej u kletkach buduć pakazvać (jak zaraz u žanočych kałonijach)?