Krainy Jeŭrasajuza ŭzhadnili pieršuju chvalu novych taryfaŭ na impart z ZŠA
Paśla niekalkich tydniaŭ kansultacyj pamiž krainami Jeŭrasajuza, Jeŭrakamisijaj i pramysłovymi pradpryjemstvami ES u sieradu zaćvierdziŭ miery ŭ adkaz na amierykanskija myty na stal i aluminij, paviedamlaje Euronews.
Krainy — členy ES u sieradu zaćvierdzili 25-pracentnyja myty na šyroki śpiektr amierykanskich tavaraŭ, uklučajučy mindal, apielsinavy sok, miasa ptuški, sojevyja baby, stal i aluminij, tytuń i jachty, u adkaz na uviedzienyja ZŠA 25-pracentnyja taryfy na impart stali i aluminija z krain błoka.
Heta pieršyja miery ŭ adkaz, zroblenyja Jeŭropaj u chodzie handlovaj vajny, jakuju prezident ZŠA Donald Tramp pačaŭ suprać handlovych partnioraŭ pa ŭsim śviecie. «Za» ich uviadzieńnie prahałasavali 26 krain Jeŭrasajuza, suprać — tolki Vienhryja.
Śpis tavaraŭ, jakija mieli trapić u dakumient, byŭ pradmietam intensiŭnaha łabiravańnia z boku krain błoka, jakija aścierahajucca mier u adkaz ZŠA, što mohuć udaryć pa ich pramysłovaści. Tak, Francyja, Irłandyja i Italija damahlisia vyklučeńnia sa śpisu amierykanskaha viski (burbon), paśla taho jak Tramp pryhraziŭ, što jaho ŭklučeńnie vykliča ŭviadzieńnie ŭ adkaz zboraŭ na jeŭrapiejski ałkahol u pamiery 200%.
Abjom amierykanskaha impartu, jaki zakranuć jeŭrapiejskija zbory, budzie krychu mienšy, čym abjom ekspartu ź ES, zakranutaha mytnymi pošlinami ZŠA — prykładna 22 miljardaŭ jeŭraŭ suprać 26 miljardaŭ jeŭra ŭ hod.
Ustupleńnie zboraŭ u siłu adkładzienaje da 15 krasavika, kab dać mahčymaść pravieści pieramovy z ZŠA. Uvodzicca jany buduć paetapna — z krasavika pa śniežań.
Akramia aluminiju i stali, administracyja Trampa ŭviała mytnyja zbory ŭ pamiery 25% na aŭtamabili ź ES i «lustranyja» zbory ŭ pamiery 20% na ŭvieś impart ź Jeŭrasajuza. Heta zakranuła 70% ekspartu ES u ZŠA.
Jeŭrakamisija ciapier pracuje nad druhim pakietam mier u adkaz, jaki budzie pradstaŭleny ŭ pačatku nastupnaha tydnia, paviedamiła vykanaŭčaja ŭłada ES u aŭtorak.
Pieršy dzień vialikich taryfaŭ Trampa: inviestary pazbaŭlajucca ad dalara i ablihacyj ZŠA
Kitaj uvodzić pošliny ŭ pamiery 84% na tavary z ZŠA
Tramp pra krainy, suprać jakich uvioŭ pošliny: Jany telefanujuć, dupu mnie całujuć, chočuć zaklučyć ździełku
Taryfy Trampa ŭstupili ŭ siłu
ZŠA ŭviali suprać Kitaja taryfy 104%
Iłan Mask i inšyja pratrampaŭskija miljardery vystupili suprać uviadzieńnia novych mytaŭ
Kamientary