Minčanka sprabavała zapisać dzicia da asteapata — pasłuha kaštavała 500 rubloŭ
Toj fakt, što hadzinny sieans u dobraha psichołaha moža lohka kaštavać 50-100 jeŭra, užo nikoha nie ździŭlaje. A jak nakont inšych śpiecyjalistaŭ? Minčanka raspaviała pra sprobu zapisać dzicia na kansultacyju da asteapata. Za hadzinny sieans joj nazvali vialikuju sumu — 500 rubloŭ, piša Onliner.by.
— Šukała śpiecyjalista dla kansultacyi dziciaci 2,5 hoda. Chaču dapamahčy «zahavaryć», vadžu pa daktarach i łahapiedaŭ. Byli niadaŭna na dyjahnostycy ŭ pryvatnym centry, i niejrapsichołah paraiła pakazać asteapatu. Ja pačała šukać śpiecyjalista samastojna ŭ Instagram. Siarod adkazaŭ atrymała taki.
Razumieju, što niama ničoha biaspłatnaha, ale 500 rubloŭ za kansultacyju… navat dobryja chirurhi, piedyjatry, artapiedy, alerhołahi ź mienšymi apietytami. Sama była na pryjomach asteapata raniej — 120 rubloŭ za hadzinu, 4 sieansy. Nijakaha efiektu, praŭda, nie adčuła, napeŭna, u heta treba vielmi vieryć.
Miarkujučy pa zapisie na červień, da asteapata vialikaja čarha z pacyjentaŭ. U Instagram u jaje krychu bolš za 1700 padpisčykaŭ. Pazicyjanuje siabie jak śpiecyjalista ź miedycynskaj adukacyjaj i dośviedam bolš za 10 hadoŭ.
Žurnalisty vyrašyli pravieryć: a raptam u paviedamleńnie vyšej zakrałasia pamyłka i na samaj spravie zapisacca možna za 50 rubloŭ? Ale nie — cana aktualnaja. U košt pryjomu ŭvachodzić nie tolki kansultacyja, ale i «asteapatyčnaja karekcyja».
Na sajcie 2doc.by košt kansultacyi ŭ asteapataŭ u Minsku varjirujecca ad 30 da 80 rubloŭ. U śpiecyjalizavanych centrach pryjom aceńvajuć u 60—140 rubloŭ. Čytačka ŭ vyniku abrała śpiecyjalista, jaki hatovy jaje pryniać za 175 rubloŭ, što tańniej, čym u «śpiecyjalista za 500», ale taksama adčuvalna dla siamiejnaha biudžetu, adznačaje Maryna.
Nahadajem, asteapatyja adnosicca da papularnaha kirunku alternatyŭnaj miedycyny. Z dapamohaj śpiecyjalnych manipulacyj śpiecyjalist ŭździejničaje na myšcy, kostki i sustavy. Dokaznaja miedycyna nie pryznaje hety mietad jak dosyć efiektyŭny (značnaje lačebnaje ŭździejańnie na čałavieka na biahučy momant nie dakazana). Tym nie mienš u Rasii i niekatorych inšych krainach asteapatyja źjaŭlajecca siertyfikavanaj miedyčnaj śpiecyjalnaściu.
Ciapier čytajuć
«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie45
Kamientary
Tut pryhoža ŭsio. Spadziajusia asteapat paraić RPCšnaha śviatara ci nastojku z kratavuchi.