Rasijskaha hienierała Papova z turmy adpraviać šturmavikom na front. Jaho pasadzili paśla krytyki Minabarony
Hienierał Ivan Papoŭ kiravaŭ rasijskaj abaronaj na Zaparožskim napramku ŭ 2023 hodzie. Ale potym trapiŭ u turmu.
Rasijski hienierał-major Ivan Papoŭ z turmy adpravicca na vajnu suprać Ukrainy.
Jon budzie kamandavać šturmavym atradam «Štorm Z» — u hetyja padraździaleńni nabirajuć zekaŭ i padślednych. Hienierał padpisaŭ kantrakt ź Ministerstvam abarony, abvinavačańni ź jaho buduć źniatyja, paviedamlaje «Kommiersant'».
U 2023 hodzie Papoŭ kamandavaŭ 58-j ahulnavajskovaj armijaj Paŭdniovaj vajennaj akruhi i kiravaŭ rasijskaj abaronaj na Zaparožskim napramku. Hienierała spačatku pachvalili za adbivańnie kontrudaru ŭkrainskaj armii, a zatym raptoŭna źniali.
Tady ž u sietcy źjaviŭsia zapis razmovy Papova z sasłužyŭcami. Na aŭdyjo rasijski hienierał zajaviŭ, što jaho źniali za «praŭdu». Pa jaho słovach, jon raspavioŭ načalniku Hienštaba Valeryju Hierasimavu ab prablemach z zabieśpiačeńniem i paskardziŭsia na adsutnaść ratacyi vajskoŭcaŭ na pieradavoj. Hierasimaŭ u adkaz nibyta abvinavaciŭ Papova ŭ panikiorstvie i paabiacaŭ dałožyć pra razmovu Uładzimiru Pucinu.
Papova spačatku pieraviali ŭ Siryju, a ŭ mai 2024 hoda zatrymali pa abvinavačańni ŭ machlarstvie. Pavodle viersii śledstva, jon razam z saŭdzielnikam u 2023 hodzie vykraŭ 1,7 tys. ton vyrabaŭ mietałaprakatu, jakija vydzielili dla budaŭnictva abaronnych zbudavańniaŭ u Zaparožskaj vobłaści. Za prodaž vyrabaŭ asoby atrymali 114 miljonaŭ rasijskich rubloŭ (1,2 miljona dalaraŭ).
Papova spačatku adpravili ŭ SIZA, potym adpuścili pad chatni aryšt, ale praź niekatory čas znoŭ viarnuli ŭ izalatar. Znachodziačysia pad śledstvam, hienierał napisaŭ adkryty list Pucinu z prośbaj viarnuć jaho na front.
Ciapier čytajuć
Pratasievič: U mianie niama nijakich pierśpiektyŭ, ja nikomu nie patrebien17
Kamientary
zamiest Pryhožyna