«Ciapier tolki ź lichtarykam kala kasy». Biełarus prydumaŭ, jak nikoli nie kuplać «kiepskija» dalary

Mužčyna havoryć, što niekalki hadoŭ kuplaŭ valutu ŭ horadzie Kamianiec na Brestčynie.

«Pry kupli nieruchomaści pravieryŭ banknoty UF-lichtarykam, ź ich 15 banknot na sumu zvyš 600 jeŭra i 100 dalaraŭ vyklikali padazreńni. Adnios u bank pravieryć i nie pamyliŭsia: hrošy nie pryniali. Pryjšłosia adpravić u Jeŭropu.

I heta nie pieršy vypadak sa mnoj: 5 hadoŭ tamu była takaja samaja situacyja pry kupli aŭtamabila, ale tam tolki try banknoty nie ŭziali ŭ banku, taksama adpraviŭ u Jeŭropu. Ciapier tolki z ultrafijaletavym lichtarykam kala kasy praviaraju kožnuju banknotu», — raskazvaje čytač.

Pavodle jaho słoŭ, ultrafijaletavy lichtaryk abyšoŭsia niadoraha, amal 13 rubloŭ, i śviačeńnie na kupiurach ciapier lohka zaŭvažyć. Voś jak heta vyhladaje.

Pavialičyć

Na pytańnie, jak reahujuć kasiry na takuju narodnuju pravierku, Cimafiej łakanična adkazvaje: «Pa-roznamu».

Što bankaŭskija rabotniki dumajuć nakont klijentaŭ z ultrafijaletavymi lichtarykami? Kali koratka: mała prosta ździvić kasira, treba viedać usie niuansy pravierki banknot.

«Prosta vałodać instrumientam mała: treba viedać, jakuju infarmacyju jon daje i jak jaje traktavać».

Kasavych rabotnikaŭ jakraz navučajuć usim tonkaściam i niuansam vyznačeńnia sapraŭdnaści i płaciežazdolnaści banknot, a jašče patrebien pastajanny praktyčny vopyt. U zvyčajnaha čałavieka takoha vopytu, jak praviła, niama.

Heta, darečy, da pytańnia pra razvarot detektara valut: Ci možna raźviarnuć jaho tak, kab klijent ubačyŭ praces pravierki. Tak, praktyčna heta mahčyma, ale klijent nie viedaje ŭsich niuansaŭ i nie zmoža vyznačyć, dapuščalnaje heta śviačeńnie ci nie. Kasir budzie vymušany doŭha tłumačyć, što ŭsio ŭ paradku».

Jašče adzin čytač, Jaŭhien, raskazvaje, što ŭ pačatku krasavika zdymaŭ valutu z karty, kasirka chacieła vydać naminałam 100 dalaraŭ, ale jon paprasiŭ bolš drobnymi kupiurami, kab pakłaści praz cash-in na kartu inšaha banka.

— Atrymaŭ 8 kupiur naminałam $50 i 5 kupiur pa $20. U vyniku praz 30 chvilin pry sprobie pakłaści na kartu cash-in pastajanna vyploŭvaŭ kupiury, pryjšłosia źviarnucca da dziaŭčat u kasie, jakija admovili ŭ pryjomie dvuch 20-dalaravych kupiur. Paŭtornaja sproba zahnać na kartu z dapamohaj žaleznaj skryni, na žal, taksama nie mieła pośpiechu.

— Znajšli niejkaje rašeńnie?

— Napeŭna, pakinu skarhu ŭ Nacbank, kab pastavili bankam u abaviazak stavić u łatki vydačy kupiur lampy ultrafijaletu dla pravierki nie adychodziačy ad kasy.

• 3
• 0
• 3
• 1
• 0
• 0
• 0
• 0