Byłoha redaktara «Babrujskaha kurjera» Anatola Sanacienku aryštavali na 15 sutak
Anatola Sanacienku zatrymali 28 sakavika ŭ Babrujsku. U jaho žylli siłaviki praviali pieratrus, paviedamlaje BAŽ.
31 sakavika ŭ sudzie Babrujskaha rajona i h. Babrujska ŭ dačynieńni Anatola Sanacienki adbyŭsia administracyjny praces. Vinavacili imavierna pavodle art. 19.11 KaAP RB («Raspaŭsiud, vyrab, zachoŭvańnie, pieravozka infarmacyjnaj pradukcyi, jakaja źmiaščaje zakliki da ekstremisckaj dziejnaści abo jakaja prapahanduje takuju dziejnaść»).
Rašeńnie suda — 15 sutak administracyjnaha aryštu.
Raniej Anatola Sanacienku zatrymlivali ŭ vieraśni 2022 hoda. Jaho dvojčy sudzili pavodle č. 2 art. 19.11 KaAP RB. Žurnalist pravioŭ za kratami izalatara časovaha ŭtrymańnia 30 sutak.
Tady ž Ministerstva infarmacyi Biełarusi zabłakavała dostup da sajta «Babrujskaha kurjera» — babruysk.by. A 26 vieraśnia 2022 hoda sud Babrujskaha rajona i h. Babrujska svaim rašeńniem pryznaŭ materyjały sajta ekstremisckaj infarmacyjnaj pradukcyjaj. Z taho času «Babrujski kurjer» pierastaŭ isnavać.
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary