Biełarusa zatrymali ŭ Hruzii za narkotyki. Jamu moža pahražać pažyćciovaje
Palicyja Hruzii zatrymała hramadzianina Biełarusi za nabyćcio i zachoŭvańnie narkatyčnych srodkaŭ u asabliva bujnym pamiery, paviedamlaje BiełTA sa spasyłkaj na hruzinskaje infarmahienctva GHN.
«Supracoŭniki rajonnaha ŭpraŭleńnia Zuhdzidzi departamienta palicyi Samiehreła — Ziema Svanieci MUS u vyniku praviedzienych apieratyŭna-vyšukovych mierapryjemstvaŭ i śledčych dziejańniaŭ zatrymali hramadzianina Respubliki Biełaruś 1990 hoda naradžeńnia», — adznačajecca ŭ paviedamleńni.
U chodzie asabistaha nadhladu zatrymanaha i jaho transpartnaha srodku supracoŭnikami pravaachoŭnych orhanaŭ u jakaści rečavych dokazaŭ byŭ kanfiskavany narkatyčny srodak mietadon u asabliva bujnym pamiery — 91 upakovak.
Raspačata rasśledavańnie pa fakcie niezakonnaha nabyćcia i zachoŭvańnia narkatyčnych srodkaŭ u asabliva bujnym pamiery. Heta złačynstva karajecca pazbaŭleńniem voli terminam da 20 hadoŭ abo pažyćciovym źniavoleńniem.
Kamientary