29‑hadovuju śpiecyjalistku dziaržpradpryjemstva asudzili za «sadziejničańnie ekstremizmu»
Karyna Kucko ź Ivacevickaha rajona budavała karjeru ŭ stalicy, ale trapiła pad katok represij.
29‑hadovaja Karyna Kucko rodam z ahraharadka Chadaki Ivacevickaha rajona. U 2019‑m dziaŭčyna skončyła BNTU i zastałasia ŭ Minsku. Apošnim časam jana pracavała ŭ filijale budaŭniča-mantažnaha ŭpraŭleńnia №7 (SMU-7) AAT «Biełsielelektrasietkibud» — bujnoj arhanizacyi, što zajmajecca elektryfikacyjaj.
Karyna zajmała pasadu hałoŭnaha śpiecyjalista pa raspracoŭcy kaštarysnaj dakumientacyi.
Akramia asnoŭnaj pracy na dziaržpradpryjemstvie, Karyna šukała siabie ŭ tvorčaści. Jana skončyła kursy pa 3D-vizualizacyi i dyzajnie interjeraŭ, viała pra heta błoh u instahramie i vykładvała svaje pracy na Behance.
Karynu asudzili ŭ Minskim haradskim sudzie pavodle č. 1 i č. 2 art. 361‑4 Kryminalnaha kodeksa («sadziejničańnie ekstremisckaj dziejnaści»). Pieraśled, imavierna, źviazany sa spravaj Hajuna.
«Biełaruski Hajun» — manitorynhavy OSINT-prajekt, jaki byŭ stvorany ŭ 2022 hodzie, kali Rasija praź Biełaruś napała na Ukrainu. Prajekt adsočvaŭ vajennuju aktyŭnaść rasijskich i biełaruskich vojskaŭ, abapirajučysia na infarmacyju ad biełarusaŭ. Kaardynavała jaho dziejnaść hrupa aktyvistaŭ na čale z Antonam Matolkam.
Sprava Hajuna pačałasia paśla taho, jak siłaviki zatrymali aktyvistku, jakaja niekalki hadoŭ žyła ŭ Biełarusi ŭ padpolli. U jaje mabilniku znajšli spasyłku na dałučeńnie ŭ bot Hajuna, jakuju joj dasyłali ŭ samym pačatku isnavańnia prajekta. Fatalnaja pamyłka była ŭ tym, što spasyłka była biesterminovaja. A tamu siłaviki zmahli padklučycca da bota i vypampavać adtul usiu infarmacyju. Jany atrymali paviedamleńni akaŭntaŭ, jakija pisali ŭ bot, a taksama ichnija ID i imiony karystalnikaŭ.
Samu ž dziaŭčynu zatrymali praz toje, što jana była vymušanaja źviarnucca ŭ dziaržaŭnyja struktury, da miedykaŭ. U jaje chłopca, jaki chavaŭsia razam ź joj, pačalisia mocnyja prablemy sa zdaroŭjem na fonie aryštu jaho baćki.
Zasnavalnik Hajuna Anton Matolka adrazu paśla ŭzłomu patłumačyŭ, jak adbyŭsia vyciek infarmacyi i abvieściŭ pra zakryćcio prajekta.
Ekanamistku z «Armteka», jakaja pierajšła ŭ IT i dapamahała biazdomnym žyviołam, asudzili pa spravie Hajuna
Što moža pahražać tym, chto pisaŭ u bot «Biełaruskaha Hajuna»? I što možna zrabić ciapier
Pisaŭ u čatach pa-biełarusku i sam ramantavaŭ svajo aŭto. Kiraŭnika inavacyj IT-kampanii 4RM Systems kinuli za kraty za palityku
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary