U Iranie pačynajecca praces pryznačeńnia pierajemnika Ali Chamieniei.
Sakratar Vyšejšaha savieta nacyjanalnaj biaśpieki Irana Ali Łarydžani zajaviŭ, što pracedura pieradačy ŭładnych paŭnamoctvaŭ paśla hibieli Viarchoŭnaha lidara ajatały Ali Chamieniei pačynajecca ŭžo siońnia.
Dla kiravańnia dziaržavaj u pierachodny pieryjad budzie stvorany śpiecyjalny časovy saviet, jaki voźmie na siabie adkaznaść za krainu da momantu abrańnia novaha pažyćciovaha kiraŭnika.
Zhodna z aficyjnaj zajavaj Łarydžani, u skład hetaha časovaha kirujučaha orhana ŭvojduć prezident krainy, kiraŭnik sudovaj ułady i adzin ź jurystaŭ Savieta vartavych kanstytucyi — heta śpiecyjalny orhan, jaki sočyć za adpaviednaściu zakonaŭ normam isłamu.
Ali Łarydžani padkreśliŭ, što farmiravańnie savieta adbudziecca ŭ samyja karotkija terminy, mahčyma, navat na praciahu biahučaha dnia.
Časovy saviet budzie vykonvać funkcyi vyšejšaj ułady da taho času, pakul nie budzie vyznačana kandydatura novaha rachbara, jaki tradycyjna zasiarodžvaje ŭ svaich rukach kantrol nad usimi siłavymi i relihijnymi instytutami krainy.
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny19
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary
Tam stianuli stolko bombardirovŝikov i samoletov-zapravŝikov, čto oni mohut prosto v vozduchie ždať novych naznačienij, poka rachbary nie končatsia.