Siły abarony Estonii zatrymali kala vostrava Aehna tankier Kiwala, piša vydańnie Postimees. Heta pieršy vypadak zatrymańnia estonskimi ŭładami sudna cieniavoha fłotu Rasii.
Kamandujučy VMS Estonii Iva Viark paviedamiŭ, što metaj zatrymańnia stała pravierka dakumientaŭ i jurydyčnaha statusu sudna.
U departamiencie palicyi i pamiežnaj achovy Estonii zajavili, što tankier Kiwala znachodzicca pad sankcyjami Jeŭrasajuza, Kanady, Šviejcaryi i Vialikabrytanii.
Vydańnie piša, što padčas zatrymańnia stała jasna, što ŭ sudna niama ściaha jakoj-niebudź dziaržavy, a tamu jano nie maje prava na zakonnaje płavańnie. Praŭda, paśla zatrymańnia na sudnie davali siertyfikat, što nibyta jano chodzić pad ściaham Džybuci, adnak pradstaŭnik hetaj uschodnieafrykanskaj krainy paviedamiŭ, što sudna nie ličycca ŭ ich rejestry. Taksama adsutničaje infarmacyja pra ŭładalnika tankiera.
Paviedamlajecca, što kapitan sudna, hramadzianin Kitaja, pajšoŭ na supracoŭnictva z estonskimi ŭładami. Astatnija 23 asoby, jakija znachodzilisia na sudnie — vierahodna, hramadzianie Maŭrytanii. Sudna išło ź indyjskaha porta Sika ŭ rasijski port Uść-Łuha.
Pavodle danych palicyi i pamiežnaj achovy Estonii, u apošni hod u Finskim zalivie źjaŭlajecca ŭsio bolšaja kolkaść sudnaŭ biez adpaviednych dakumientaŭ, što śviedčyć pra bolš šyrokuju aktyŭnaści rasijskaha «cieniavoha fłotu ŭ abychod mižnarodnych sankcyj».
ZŠA ŭpieršyniu ŭviali sankcyi suprać Kitaja za kuplu padsankcyjnaj nafty
ZŠA razhladajuć źmiakčeńnie stoli cenaŭ na rasijskuju naftu i źniaćcie sankcyj z aliharchaŭ
Paśla ŭviadzieńnia novych sankcyj ZŠA pastaŭki rasijskaj nafty ŭ Turcyju abvalilisia ŭ 4 razy
Kadebešnik adpraŭlaŭ prastytutak u Finlandyju, a ciapier arystakrat. Jak siamja rasijskich špijonaŭ pieratvaryłasia ŭ jeŭrapiejskich mahnataŭ
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra9
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary