Zialenski: Ukraina razhladaje ŭsie farmaty pieramovaŭ, jakija dapamohuć spynić ahoń
Prezident Ukrainy padkreślivaje, što Ukraina nie vyklučaje nivodnaha z farmataŭ pieramovaŭ, jakija mohuć pryvieści da spynieńnia ahniu i nadalej da sapraŭdnaha miru. Ja rasijski ŭdar pa aŭtobusie ŭ horadzie Marhaniec źjaŭlajecca nadzvyčaj žorstkim i całkam śviadomym vajennym złačynstvam, piša UNIAN.
«Takija rasijskija ŭdary pa mirnych hramadzianach FPV-dronami, na žal, nie źjaŭlajucca redkaściu. Najbolš ad takoha teroru pakutujuć mirnyja žychary ŭ Chiersonie i vobłaści, u Kupiansku, u Pakroŭsku, u hramadach Dniaproŭščyny: Nikapal i Marhaniec. Faktyčna štodnia adbyvajucca takija ŭdary. Rasijanie jašče i chvalacca imi, publikujučy ŭ internecie videa trapleńniaŭ pa mirnych hramadzianach. Uvieś śviet pavinien usprymać heta ćviaroza: kali takuju formu teroru ŭžyvajuć rasijanie, to inšyja terarysty taksama mohuć pieraniać jaje», — paviedamiŭ Zialenski.
Jak dadaŭ prezident, heta adna z pryčyn, čamu praciah rasijskaj ahresii źjaŭlajecca hłabalna niebiaśpiečnym.
«Vajna ź ciaham času źmianiajecca, i čym daŭžej jana doŭžycca, tym bolš, na žal, mohuć madernizavacca formy zabojstvaŭ i ździekaŭ ź ludziej. My va Ukrainie nastojvajem na nieadkładnym, poŭnym i biezumoŭnym spynieńni ahniu», — padkreśliŭ Zialenski.
Jon nahadaŭ, što mienavita takoj była i absalutna pravilnaja prapanova Złučanych Štataŭ 11 sakavika hetaha hoda.
«Heta całkam mahčyma. Ale mahčyma tady, kali na heta idzie Rasija i spyniaje zabojstvy. Na Vialikdzień nam udałosia dasiahnuć źnižeńnia intensiŭnaści bajavych dziejańniaŭ i adsutnaści pavietranych tryvoh. Ukraina prapanoŭvała praciahnuć hety stan cišyni prynamsi na 30 dzion i zrabić spynieńnie ahniu poŭnym. Taksama my hatovyja da nieadkładnaha spynieńnia ahniu prynamsi pa hramadzianskich abjektach i ŭžo zajaŭlali pra heta», — zajaviŭ prezident.
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud32
Kamientary