Papuhaj źlacieŭ ad haspadaroŭ u Łahojskim rajonie. Jaho bačyli ŭ Minsku
Złavić jaho pakul nie ŭdałosia.
U Threads nabiraje papularnaść tema, u jakoj apublikavana videa ź niezvyčajnym ekzatyčnym papuhajem. Na im ptuška chodzić pa aharodžy Ślapianskaj vodnaj sistemy ŭ mikrarajonie Zialony Łuh u Minsku, piša «Minskaja praŭda».
Aŭtaru rolika napisali ŭ kamientaryjach, što ŭ Biełaruckim sielsaviecie Łahojskaha rajona, a heta bolš za 20 km ad Minska, zhubiŭsia taki ž papuhaj z kolcam na łapcy, i jaho zavuć Ścieša.
Žurnalisty patelefanavali pa numary, ukazanym u abjavie pra stratu hadavanca, i daviedalisia, što heta sapraŭdy byŭ Ścieša, ale złavić jaho pakul nie ŭdałosia.
— Tak, heta sapraŭdy byŭ naš papuhaj. Jaho zaŭvažyli ŭ rajonie Zialonaha Łuhu ŭ Minsku. Ale, na žal, kali my pryjechali, jaho tam užo nie było. Jon pieralacieŭ u inšaje miesca. Ciapier pošuki praciahvajucca. Ścieša vylecieŭ z kletki vypadkova, kali my vynieśli jaje na vulicu. U kletcy było niezačynienaje nievialikaje akienca. Heta zdaryłasia ŭ vioscy Mančaki, — patłumačyła haspadynia papuhaja.
Kamientary
Zahinie....