Šajhu abvinavaciŭ Jeŭropu ŭ padrychtoŭcy da vajny z Rasijaj da 2030 hoda
Krainy Jeŭropy rychtujucca vajavać z Rasijaj u najbližejšaj budučyni i nie chavajuć hetaha, zajaviŭ sakratar Rady biaśpieki RF, eks-ministr abarony Siarhiej Šajhu.
«U Jeŭropie razhortvajecca ničym nie prykrytaja kampanija pa padrychtoŭcy da vajennaha kanfliktu z Rasijskaj Fiederacyjaj. Na roznych uzroŭniach ahučvajucca mahčymyja terminy takoha sutyknieńnia — ad troch da piaci hadoŭ. Užo ŭ 2030 hodzie jeŭrapiejskija palityki i vajskoŭcy chočuć być hatovymi vajavać z nami», — skazaŭ Šajhu ŭ intervju TASS.
Taksama jon dapuściŭ sutyknieńnie z NATA, kali jeŭrapiejskija krainy vyrašać nakiravać svaich vajskoŭcaŭ u jakaści miratvorcaŭ na «histaryčnyja terytoryi Rasii» va Ukrainie. Pavodle jaho słoŭ, «zdravažnyja palityki ŭ Jeŭropie» razumiejuć, što heta pryviadzie da Treciaj suśvietnaj vajny.
Šajhu nahadaŭ, što Rasija vystupała suprać prysutnaści vajskoŭcaŭ z krain NATA va Ukrainie jašče da pačatku paŭnamaštabnaha ŭvarvańnia, a vajna «pačałasia ŭ mnohim z-za hetaj pahrozy».
Jon vykazaŭ mierkavańnie, što zachodnija miratvorcy mohuć vykarystoŭvacca «dla ŭtojeńnia sapraŭdnych metaŭ — kantrolu nad terytoryjaj Ukrainy i jaje resursami». «Pravilniej było b nazyvać taki kantynhient intervientami abo akupantami», — padsumavaŭ Šajhu.
-
Stała viadoma imia jašče adnaho biełarusa, jaki moh być zamiašany ŭ dyviersii ŭ Lejpcyhu. Pryčym jon źmianiŭ proźvišča
-
«My papiaredžvali»: Premjer Čarnahoryi prakamientavaŭ zatrymańnie kiraŭnika kanała «Rybar»
-
Nobieleŭskaja premija miru prysudžana jurystcy z PAR, byłoj advakatcy palitviaźnia Nelsana Mandeły
Ciapier čytajuć
Byłoha biełaruskaha palitviaźnia sudziać u Litvie za padrychtoŭku da zabojstva praciŭnikaŭ Kramla. Pahražaje až da pažyćciovaha8
Kamientary