«Ja kažu za Pucina, viedajučy jaho charaktar». Jašče adno vykazvańnie Łukašenki akazałasia pšykam
Pryznańnie Maskvoj udziełu paŭnočnakarejskich vojskaŭ u bajach va Ukrainie stavić Alaksandra Łukašenku ŭ cikavaje stanovišča.
«Łuchta! Heta eskałacyja vajennaha kanfliktu. Nikoli Pucin nie pojdzie na toje, kab kaho-niebudź uhavorvać, kab uzbrojenyja siły jakoj-niebudź krainy ŭbłytvalisia ŭ SVA i ŭ kanflikt va Ukrainie, asabliva, jak kažuć vajskoŭcy, «na pieradavoj», na linii sutyknieńnia», — kazaŭ Alaksandr Łukašenka ŭ intervju Bi-Bi-Si.
Heta było ŭ kastryčniku 2024 hoda, stenahrama razmovy jašče visić na aficyjnym sajcie.
«To-bok KNDR nie adpraŭlaje svaich vajskoŭcaŭ?» — udakładniŭ žurnalist Styvien Rozienbierh.
«Ja ŭ heta nie vieru. I ŭčora paŭnočnakarejcy zajavili, što heta varažba na kavavaj huščy. Nikoli takich razmoŭ i pieramoŭ nie było.
Ja kažu za Pucina, viedajučy jaho charaktar. U Rasii nasielnictva chapaje, kab vieści vajennyja dziejańni», — pierakonvaŭ Alaksandr Łukašenka.
«Kali heta [udzieł vojsk KNDR u kanflikcie] paćvierdzicca, vas chvaluje takaja situacyja?» — nie adstavaŭ Rozienbierh.
«Heta budzie krok da niejkaj eskałacyi kanfliktu, kali na linii sutyknieńnia źjaviacca čyjeści ŭzbrojenyja siły, navat biełaruskija. Navat kali b my ŭviazalisia ŭ vajnu, heta byŭ by šlach da eskałacyi. Bo vy, anhłasaksy, adrazu b zajavili, što ŭ kanflikt uciahnułasia sajuznaja kraina, značyć, NATA maje prava dapamahčy Ukrainie. Značyć, nataŭskija vojski byli b uviedzienyja va Ukrainu. Mahčymy taki varyjant? Mahčymy. Pucin i hety varyjant praličvaje — treba jamu heta ci nie. Ale vy kažacie pra KNDR — dzie Kareja, a dzie Biełaruś? Pucin nikoli pierad mnoj nie staviŭ pytańnie ab tym, kab my ŭviazalisia ŭ hetuju bojku. Ni jon, ni Šajhu, ni ciapierašni ministr abarony Biełavusaŭ. Nikoli nie stavili pierad nami takoje pytańnie», — zajaŭlaŭ Alaksandr Łukašenka.
Raniej vialiki rozhałas nabyli vykazvańni Alaksandra Łukašenki pra toje, što vajna skončycca za try-čatyry dni i ź jakich kirunkaŭ na Biełaruś rychtavaŭsia napad.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary