U Litvie ŭrad choča dazvolić rabotnikam brać balničnyja na daviery, biez pachodaŭ u palikliniku
Ale suprać pakul vystupajuć i pracadaŭcy, i prafsajuzy.
Prapanovu sfarmulavała Ministerstva achovy zdaroŭja. Jaje meta — źmienšyć nahruzku na terapieŭtaŭ (u Litvie jany nazyvajucca siamiejnymi daktarami).
Takaja ideja mahła b być pryvabnaja i biełarusam. Mnohija ludzi i tak viedajuć, jak im lekavacca i pavodzić siabie pry hrypie ci VRVI, a pachod u palikliniku tolki zabiraje čas i siły. A taksama zabiraje i resursy ŭ sistemy achovy zdaroŭja.
Litoŭski ŭrad prapanuje try mahčymyja varyjanty novaŭviadzieńniaŭ:
1) Pracadaŭcy mahli b sami vyznačać, ad jakich rabotnikaŭ patrabujecca balničny list za pieršyja dni chvaroby, a jakija mohuć zastavacca doma na daviery.
2) Pracadaŭcy majuć davać usim rabotnikam mahčymaść try razy za hod chvareć da dvuch dzion biez balničnaha.
3) Rabotniki pavinny mieć prava chvareć biez balničnaha 5 dzion (nie abaviazkova bieśpierapynna) za hod.
Adnak pakul hramadstva ŭspryniało takija idei skieptyčna.
Najmalniki bajacca mahčymych składanaściaŭ: na ich uskładziecca dadatkovaja administracyjnaja nahruzka pa afarmleńni balničnych. Aproč taho, jany bajacca złoŭžyvańniaŭ i niepatrebnych sprečak, paviedamlaje lrt.lt.
Tyja samyja zaściarohi vykazvajuć i prafsajuzy.
Prapanova budzie dalej abmiarkoŭvacca na Trochbakovaj radzie, u jakoj pradstaŭlenyja ŭrad, najmalniki i prafsajuzy.
Uviadzieńnie sistemy apłočvanych balničnych napavier mahčymaje tolki ŭ hramadstvie, dzie hramadzianie śviadomyja i matyvavanyja da pracy. Mahčymaść chvareć niejki čas biez balničnaha isnuje, da prykładu, u skandynaŭskich krainach.
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy12
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary