Byli zafiksavanyja try vypadki.
U suviazi z pažarami ŭ damach, źviazanych z premjer-ministram Vialikabrytanii Kiram Starmieram, zatrymany 21-hadovy mužčyna, paviedamili ŭ łondanskaj palicyi, piša Bi-bi-si.
Napiaredadni stała viadoma, što palicyja pravodzić rasśledavańnie ŭ suviazi z pažaram, jaki adbyŭsia ranicaj u paniadziełak u pryvatnym domie Starmiera ŭ Kienciš-Taŭnie na poŭnačy Łondana.
Heta byŭ užo treci pažar, źviazany z brytanskim premjer-ministram, jaki ciapier pražyvaje ŭ aficyjnaj rezidencyi na Daŭninh-stryt, ale praciahvaje vałodać nieruchomaściu ŭ Łondanie.
Pieršy vypadak, jaki ciapier rasśledujecca, adbyŭsia kala 03:00 u čaćvier, kali ratavalnikaŭ vyklikali na nievialikaje zaharańnie aŭtamabila na toj ža vulicy, dzie znachodzicca dom premjera ŭ Kienciš-Taŭnie.
Druhi incydent adbyŭsia nieŭzabavie paśla 03:00 u niadzielu — ekstranyja słužby vyklikali da nievialikaha pažaru kala ŭvachodnych dźviarej doma ŭ susiednim Iślinhtanie — hetaja nieruchomaść taksama źviazanaja z brytanskim premjeram.
Treci vypadak znoŭ adbyŭsia ŭ Kienciš-Taŭnie — u paniadziełak u 01:11 pastupiŭ zvanok ab «nievialikim pažary», jaki ŭdałosia łakalizavać prykładna praz 20 chvilin.
U vyniku pažaraŭ nichto nie paciarpieŭ, rasśledavańnie viadzie padraździaleńnie brytanskaj palicyi pa baraćbie z teraryzmam.
Ciapier čytajuć
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie19
Kamientary