Na dziciačaj placoŭcy ŭ Hdańsku chłopčyk admoviŭsia hulać ź biełaruskaj dziaŭčynkaj. Jaje baćka pačaŭ jaho dušyć
U Hdańsku 37-hadovy hramadzianin Biełarusi napaŭ na 8-hadovaha chłopčyka. Tak jon adreahavaŭ na toje, što dzicia admoviŭsia pahulać ź jaho dačkoj. Ciapier mužčynu pahražaje turemnaje źniavoleńnia, piša Most.
Usio pačałosia z taho, što na dziciačaj placoŭcy pamiž dziećmi adbyłasia svarka. Dziaŭčynka pryjšła dadomu i paskardziłasia baćku, što chłopčyk nie choča ź joj hulać. Heta raźjušyła adnaho z baćkoŭ. Jon vyjšaŭ na placoŭku, schapiŭ «kryŭdziciela» za šyju, ścisnuŭ jaje i pačaŭ pahražać dziciaci. A zatym viarnuŭsia dadomu.
Chłopčyk nie paciarpieŭ, ale na miesca zdareńnia vyklikali palicejskich. Pa pakazanym adrasie jany znajšli vielmi niećviarozaha mužčynu. Jon akazaŭsia 37-hadovym biełarusam. Paźniej test pakazaŭ 2,5 pramile ałkaholu ŭ jaho arhaniźmie. Mužčynu advieźli ŭ vyćviareźnik, dzie jon pravioŭ noč.
Kali ž jon praćvierazieŭ, jamu vystavili abvinavačvańnie ŭ parušeńni cialesnaj niedatykalnaści niepaŭnaletniaha i złačynnych pahrozach u jaho adras. Pa pieršym abvinavačvańni ŭ Polščy moža pahražać da hoda pazbaŭleńnia voli, a pa druhim — da troch.
Ciapier čytajuć
Darja Šmanaj dvojčy traplała ŭ avaryi ŭ Maskvie na čužym «Miersedesie»18
Kamientary