U Baranavičach pamierła viadomaja polskaja hramadskaja dziajačka ŭ Biełarusi Alžbieta Dałenha-Užosak, paviedamiła byłaja kiraŭnica Sajuza palakaŭ u Biełarusi Anžalika Borys. Joj było 95 hadoŭ.
«Hod tamu, 31 sakavika, ja była ŭ spadaryni Elžbiety ŭ Baranavičach. Jana była zasnavalnicaj Polskaj hramadskaj škoły imia Tadevuša Rejtana ŭ Baranavičach — pieršaj adukacyjnaj ustanovy takoha typu na Biełarusi. Vielmi zasłužany čałaviek dla polskaści ŭ Biełarusi», — napisała Anžalika Borys.
Alžbieta Dałenha-Užosak naradziłasia 7 vieraśnia 1930 hoda ŭ horadzie Młava niedaloka ad Varšavy, adnak dziacinstva i maładość praviała ŭ Baranavičach, dzie naviedvała polskuju pačatkovuju škołu imia Maryi Kanapnickaj (likvidavanuju paśla Druhoj suśvietnaj vajny).
U 1954 hodzie jana pastupiła na linhvistyčny fakultet (hiermanistyka i ramanistyka) u Instytut zamiežnych moŭ u Minsku. U 1960‑ia hady znoŭ pasialiłasia ŭ Baranavičach, dzie pracavała nastaŭnicaj.
U 1980‑ia hady stajała la vytokaŭ polskaha nacyjanalnaha adradžeńnia ŭ horadzie i Baranavickim rajonie. Ź jaje inicyjatyvy ŭ Baranavičach była stvorana hramadskaja polskaja škoła (paźniej imia Tadevuša Rejtana), a sama jana stała jaje dyrektarkaj. Zaniatki pieršapačatkova prachodzili ŭ jaje domie. Žančyna doŭhi čas kiravała haradskimi i rajonnymi strukturami Sajuza palakaŭ u Biełarusi.
Maci Alžbiety, Taresa Dałenha-Užosak, u vajnu ratavała ad nacystaŭ jaŭrejaŭ i atrymała ad Izraila zvańnie praviednicy narodaŭ śvietu. Taresa Sielivončyk, dačka Alžbiety, praciahnuła spravu maci, pieraniaŭšy ad jaje dyrektarstva ŭ polskaj škole ŭ Baranavičach i kiravańnie miascovaj filijaj SPB.
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie10
Kamientary