Kansultantka ŭpraŭleńnia ahulnaj siaredniaj adukacyi Hałoŭnaha ŭpraŭleńnia ahulnaj siaredniaj i daškolnaj adukacyi Minadukacyi Anžeła Kudajarava na pres-kanfierencyi ŭ Minsku raskazała, kali ŭ biełaruskich školnikaŭ źjavicca mahčymaść pierazdać nulavyja vyniki centralizavanaha ekzamiena (CE), piša «Smartpres».
Pavodle słoŭ čynoŭnicy, źmieny ŭžo ŭniesienyja ŭ narmatyŭna-pravavyja akty. Jany nabuduć moc z 1 vieraśnia 2025 hoda.
«Vučniaŭ, jakija zdali centralizavany ekzamien na nulavy vynik, buduć dapuskać dla prachodžańnia centralizavanaha ekzamiena ŭ inšyja terminy ŭ žniŭni. Dziejničać norma budzie ŭpieršyniu tolki na centralizavanym ekzamienie ŭ 2026 hodzie», — dadała pradstaŭnica Minadukacyi.
Raniej mahčymaści pierazdačy centralizavanaha ekzamienu ŭ Biełarusi nie było — tyja, chto prachodziŭ vyprabavańnie na 0 bałaŭ, atrymlivali daviedku ab navučańni, a atestat im vydavaŭsia tolki praz hod. Naprykład, u 2024 hodzie takich vypadkaŭ było 64.
Akramia hetaha, Anžeła Kudajarava raskazała, kali abituryjentam čakać vyniki CE ŭ 2025 hodzie. Pavodle jaje słoŭ, heta pavinna adbycca nie paźniej za 11 červienia, bo 13 červienia pa ŭsioj Biełarusi projduć vypusknyja z uručeńniem atestataŭ.
Kamientary