Bolš za 60,6 tys. abituryjentaŭ zapisalisia dla zdačy centralizavanaha teściravańnia. Rehistracyja na CT zaviaršyłasia 22 krasavika, piša BiełTA sa spasyłkaj na dyrektara Respublikanskaha instytuta kantrolu viedaŭ Juryja Miksiuka.
Dyrektar RIKV udakładniŭ, što sioleta abituryjenty płanujuć napisać bolš za 86,2 tys. testaŭ.
Samy papularny pradmiet — zamiežnaja mova, jakuju buduć zdavać bolš za 17,1 tys. čałaviek. Na druhim miescy fizika, na jakuju zarehistravalisia bolš za 13,7 tys. abituryjentaŭ. U top-5 taksama ruskaja mova (11,5 tys. tych, chto pastupaje), matematyka (bolš za 11,4 tys.) i historyja Biełarusi (bolš za 8,5 tys.).
26 maja adbuducca centralizavany ekzamien pa pradmiecie na vybar dla 11-kłaśnikaŭ i CT pa pradmiecie na vybar dla vypusknikoŭ minułych hadoŭ i vypusknikoŭ kaledžaŭ. CE pa biełaruskaj abo ruskaj movie dla 11-kłaśnikaŭ i CT pa hetych ža movach dla vypusknikoŭ minułych hadoŭ i vypusknikoŭ kaledžaŭ zapłanavany na 29 maja. Akramia taho, 2 i 5 červienia projduć CT pa pradmiecie na vybar dla ŭsich abituryjentaŭ.
Reziervnymi dniami dla CT u hetym hodzie vyznačany 19, 21, 23 červienia, a dla CE — 21, 23 červienia.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary