«Zakopvać tak ludziej — heta nie pa-ludsku». Čałaviek aburyŭsia, što na bresckich mohiłkach mahiły zakopvajuć ekskavataram
Minski taksist źniaŭ i vykłaŭ u tyktoku pachavańnie na Paŭnočnych mohiłkach u Breście. Pa jahonych słovach, tam šmat novych mahił, a kapajuć ich ekskavataram — i zakopvajuć hetak ža sama. Mužčyna paprasiŭ «dziaržorhany Biełarusi» zabaranić taki sposab pachavańnia, piša «Lusterka».
Pa słovach aŭtara videa, rolik byŭ źniaty 24 maja na bresckich Paŭnočnych mohiłkach, dzie mužčyna źviarnuŭ uvahu na mnostva śviežych mahił. Ale niezadavoleny jon pierš za ŭsio sposabam pachavańnia.
«Pavažanyja dziaržorhany Biełarusi. Zabaranicie, kali łaska, zakopvać ludziej ekskavatarami, traktarami na mohiłkach. Tamu što heta nie pa-čałaviečy», — zajaviŭ aŭtar, dadaŭšy, što raniej, kali jon ros u vioscy, «vykopvali sami ludzi mahiłku i zakopvali potym».
«Ja razumieju, što śmiarotnaść vielmi vialikaja ciapier. Vuń, z rytualščykami havaryŭ — śmiarotnaść idzie ad 35 i da 55 hadoŭ, mruć ludzi.
Zrazumieła, što vielmi šmat pamirajuć. Ale, prabačcie vy mianie, hetymi traktarami-ekskavatarami zakopvać ludziej — heta nie pa-čałaviečy, nie pa-chryścijansku, mnie zdajecca», — ličyć błohier.
Mužčyna prapanavaŭ unieści ŭ zakon ab pachavańni i pachavalnaj spravie zabaronu na vykarystańnie ekskavataraŭ, pahruzčykaŭ i traktaroŭ pry pachavańni ludziej.
«Ekskavataram vykopvali i zakopvali! Trunu pakłali, my pa try razy piasočkam sypanuli rukami, a potym ekskavatar zakapaŭ», — napisaŭ aŭtar pad rolikam.
Za sutki jahonaje videa nabrała bolš za 40 tysiač prahladaŭ i zvyš 130 kamientaroŭ, siarod ich takija:
«Ekskavataram vykopvajuć jamu, ale zakopvajuć rydloŭkami. Ni razu nie bačyli tak, jak vy kažacie».
«Ja, napeŭna, nie ŭ toj Biełarusi žyvu? Chavali mamu — usio kapali ŭručnuju».
«A dzie zakopvajuć traktarami?» — «U Breście. My niadaŭna chavali siabroŭku maładuju, ad ankałohii pamierła. Heta byŭ žach, kinuli pa try žmieni ziamli na trunu, a potym jaje buldozieram zakopvali. I tak usich, ujaŭlajecie, usich, buldozieram. 40 dzion prajšło, a ja ŭsio jašče ŭ šoku».
«Što zakazvaje zakazčyk. U nas u Minskaj [vobłaści] nie zakopvajuć traktarami. Ścieluć materyjał śpiecyjalny. Na jaho vykapanuju ziamlu. Joj ža i zasypajuć. Traŭka pobač zastajecca čystaja. Rukamyjniki i papiarovyja ručniki ŭ rytualščykaŭ abaviazkova. Ludzi ruki myjuć paśla kidańnia ziamli».
«Kali ščyra, ździŭlenaja, što heta Biełaruś».
«Jak kupiła sukienku na śmierć 38 hadoŭ tamu, tak i lažyć». Babula ź vioski pakazała svoj kufar
Biełaruska: U mianie vajuje kachany, i ja žyvu z tym, što ŭjaŭlaju jahonuju śmierć
Ci možna zabraniravać sabie miesca na mohiłkach pry žyćci, ci možna raźviejać prach i kolki ŭ siarednim kaštuje pachavańnie ŭ Biełarusi?
Staryja mohiłki ŭ Słucku razburajuć čas i vandały, ale achoŭvać ich nie źbirajucca
Ciapier čytajuć
Aryštavany čynoŭnik, jaki moh stać nastupnym ministram achovy zdaroŭja7
Kamientary
Ekskavatar zrobić chutčej i akuratnaj.