Mužčyna z pomsty pisaŭ danosy na kankurentaŭ — čym skončyłasia historyja
Mužčyna bolš za 15 hadoŭ zajmaŭsia turystyčnym biznesam — vaziŭ ludziej na aŭtobusach u Polšču i Litvu. Anałahičnyja tury prapanoŭvali i inšyja pradprymalniki, ź jakimi ŭ abvinavačanaha nie skłalisia adnosiny, piša Onliner.by.
«Jany ŭsie siabravali suprać mianie», — tak patłumačyŭ u sudzie svajo rašeńnie pisać iłžyvyja danosy na kankurentaŭ i byłych kaleh 41-hadovy IPšnik ź Minska.
Mužčyna bolš za 15 hadoŭ zajmaŭsia turystyčnym biźniesam — vaziŭ ludziej na aŭtobusach u Polšču i Litvu. Anałahičnyja tury prapanoŭvali i inšyja pradprymalniki, ź jakimi ŭ abvinavačanaha nie skłalisia adnosiny.
Pra toje, praz što daviałosia prajści paciarpiełym, raspaviadałasia ŭ vialikim materyjale z suda.
12 červienia abvinavačany vystupiŭ z apošnim słovam, a siońnia stała viadoma kančatkovaje rašeńnie.
Nahadajem, kryminalnaja sprava była kvalifikavanaja pa častcy 1 i častcy 2 artykuła 400 KK Biełarusi — heta zaviedama iłžyvyja danosy, u tym liku źviazanyja z abvinavačvańniem u ciažkim ci asabliva ciažkim złačynstvie.
Pavodle hetaha artykuła mužčynu pahražała abmiežavańnie abo pazbaŭleńnie voli na termin da 5 hadoŭ.
Zhodna z materyjałami spravy, z sakavika 2023 hoda pa luty 2024 hoda minčanin adpraviŭ nie mienš za 18 listoŭ u roznyja dziaržaŭnyja orhany. U ich jon abvinavačvaŭ ludziej u złačynstvach, jakich jany nie ździajśniali. Havorka idzie pra pieravozku praź miažu narkotykaŭ i zbroi, daču chabaraŭ padatkovaj, utojeńnie dachodaŭ i h.d.
Pazicyja abvinavačvańnia ŭ tym, što mužčyna adpraŭlaŭ iłžyvyja danosy «z karyślivych i inšych nizkich pamknieńniaŭ, što vyjaŭlalisia ŭ imknieńni minimizavać kolkaść aŭtamabilnych pieravozčykaŭ z metaj pryciahnieńnia nieabmiežavana bolšaj kolkaści hramadzian u jakaści ŭłasnych klijentaŭ».
Siarod paciarpiełych u sudzie byli nazvanyja imiony pradstaŭnikoŭ ahienctvaŭ «Kaktus-tur» i «Javaštranstur», a taksama inšyja ŭdzielniki turystyčnaha biźniesu i klijenty abvinavačanaha.
Jak zajaviŭ u sudzie dyrektar PUP «Kaktus-tur», z-za iłžyvych danosaŭ jaho kampanija straciła reputacyju, ź imi admaŭlalisia supracoŭničać partniory, im daviałosia prajści praz šmatlikija pravierki z boku dziaržaŭnych orhanaŭ.
«Nam naniesiena vializnaja škoda — i maralnaja, i materyjalnaja. Davodziłasia pastajanna padtrymlivać biznes, padavać va ŭsie viedamstvy dakumienty, zachoŭvać patok turystaŭ, utrymlivać supracoŭnikaŭ, jakim u takich umovach było vielmi składana pracavać. Tolki ciapier my patrochu vychodzim na były ŭzrovień, viartajem svaich partnioraŭ», — raspavioŭ paciarpieły.
Zvyčajnyja kiroŭcy i i supravadžajučyja hrup taksama sutyknulisia ź ciažkaściami padčas prachodžańnia miažy.
Z-za iłžyvych danosaŭ u ich adras (naprykład, pra pieravozku narkotykaŭ i zbroi) ludziej amal kožny rejs detalova praviarali (u tym liku z raspranańniem), raźbirali aŭtobusy, adpraŭlali na renthien.
Jak zajavili paciarpiełyja, ni ŭ kaho ź ich nie było sumnievaŭ u tym, što iłžyvyja danosy napisaŭ abvinavačany.
«Jon i inšych ludziej tak trymaŭ u napružańni. Usie, chto pracavaŭ u hetaj śfiery ŭ turyźmie, viedali pra heta. <…> Ja nie viedaju, navošta jon usio heta rabiŭ. I ludziam žyćcio sapsavaŭ, i sabie ŭ vyniku. Napeŭna, heta kankurencyja», — prahučała ŭ sudzie.
Jak vyśvietliłasia, niekatorym paciarpiełym abvinavačany ŭžo vypłaciŭ kampiensacyju maralnaj škody — pa 800, 1000 i 4000 rubloŭ, tamu jany nie mieli pretenzij pa adnaŭleńni maralnaj škody.
Adnak niekatoryja ŭsio ž taki zapatrabavali kampiensacyju.
Tak, para z «Kaktus-tur» nie pryniała prabačeńniaŭ ad abvinavačanaha i zajavili škodu pa 50 tysiač rubloŭ na kožnaha.
«Bolš za ŭsio prašu nie pazbaŭlać mianie voli»
U sudovym pasiadžeńni abvinavačany całkam pryznaŭ svaju vinu i patłumačyŭ, što pisaŭ iłžyvyja danosy z pomsty.
12 červienia jon vystupiŭ z apošnim słovam.
Mužčyna zajaviŭ, što ščyra staraŭsia zahładzić svaju vinu pierad paciarpiełymi: paprasiŭ prabačeńnia i kampiensavaŭ maralnuju škodu.
— Ja mahu šmat razoŭ prasić prabačeńnia, pakul mnie nie darujuć. Ja ščyra raskajvajusia. Kali b ja moh zrabić niešta jašče, ja b heta abaviazkova zrabiŭ, — kaža I., advioŭšy pozirk ad paciarpiełych. U hety momant jon robić paŭzu i nie strymlivaje śloz.
— Mnie vielmi ciažka pieranosić usio, što adbyvajecca ciapier, maja siamja źniasilenaja, maja žonka i dzieci ŭžo bolš za hod žyvuć u piekle, a ja ničoha nie mahu z hetym zrabić. Pačynajučy ź lipienia 2024 hoda, majo žyćcio kardynalna źmianiłasia — pačynajučy z aryštu, dopytaŭ, zatrymańnia, pieratrusaŭ. Na praciahu hoda ja svaimi pavodzinami dakazvaju, što raskajaŭsia, žyvu jak zakonapasłuchmiany hramadzianin, nie parušaju zakanadaŭstva.
Ja źjaŭlajusia adzinym zasnavalnikam i dyrektaram turystyčnaj arhanizacyi.
Na dadzieny momant zaklučana bolš za 180 damoŭ z turystami i arhanizacyjami.
Prašu dać mnie mahčymaść praciahvać pracu, vykonvać abaviazacielstvy pierad ludźmi, kab ja moh sumlenna płacić padatki i być karysnym dla hramadstva. Bolš za ŭsio prašu nie pazbaŭlać mianie voli i dać mahčymaść vychoŭvać dziaciej. Prašu vas razhledzieć mahčymaść alternatyŭnych mieraŭ pakarańnia, kab ja moh zastavacca pobač ź dziećmi, zabiaśpiečvać im emacyjny i materyjalny dabrabyt.
Akramia taho, ja pieražyvaju za svaich pažyłych baćkoŭ, ja ŭ ich adziny syn, u baćkoŭ šmat zachvorvańniaŭ, mnie davodzicca 1—2 razy na tydzień pryvozić pradukty i leki.
Ja taksama akazvaju pasilnuju dapamohu siamji pamierłaha stryječnaha brata, jaki raptoŭna pamior va ŭzroście 35 hadoŭ <…>.
Taksama ŭ mianie chraničnaja patałohija, ja doŭha čakaŭ čarhu na apieracyjnaje ŭmiašańnie, apieracyja pryznačana na 4 lipienia, — pieraličvaje mahčymyja źmiakčalnyja abstaviny mužčyna.
— Ja viedaju, što jość tyja, chto mnie daravaŭ, ale jość i tyja, chto nie daravaŭ. Ja, čym moh, kampiensavaŭ maralnuju škodu i hatovy rabić heta biaskonca, — abiacaje paciarpiełym I.
Što vyrašyŭ sud?
Sud Pieršamajskaha rajona h. Minska ahučyŭ kančatkovaje rašeńnie 13 červienia.
Abvinavačany pryznany vinavatym u ździajśnieńni zaviedama iłžyvych danosaŭ (u tym liku z abvinavačvańniem u ciažkim i asabliva ciažkim złačynstvie).
Na padstavie častki 1 artykuła 400 KK jamu pryznačana pakarańnie ŭ vyhladzie pazbaŭleńnia voli na termin 1 hod, a na padstavie častki 2 artykuła 400 KK RB — pazbaŭleńnie voli na termin 2 hady.
Pa sukupnaści złačynstvaŭ šlacham pahłynańnia mienš strohaj miery pakarańnia bolš strohaj kančatkova abvinavačanamu pryznačana pakarańnie ŭ vyhladzie pazbaŭleńnia voli na termin 2 hady z adbyvańniem pakarańnia ŭ vypraŭlenčaj kałonii va ŭmovach ahulnaha režymu.
Pazoŭ ad dvuch paciarpiełych ab materyjalnaj kampensacyi maralnaj škody sud zadavoliŭ.
Na karyść kožnaha z pary, jakija vałodajuć ahienctvam «Kaktus-tur», spahnana pa 15 000 rubloŭ.
Prysud suda nie ŭstupiŭ u zakonnuju siłu i moža być abskardžany i apratestavany.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary