Ipešnik u Minsku pisaŭ ananimki na kankurentaŭ, u tym liku i palityčnyja. Zafiksavana 18 epizodaŭ
Niekalki danosaŭ pieravozčyk napisaŭ i na klijentaŭ.
41-hadovy indyvidualny pradprymalnik pisaŭ iłžyvyja danosy na kankurentaŭ. Za heta na jaho zaviali kryminalnuju spravu, paviedamili ŭ Hienprakuratury.
Mužčyna zajmaŭsia mižnarodnymi aŭtobusnymi pasažyrskimi pieravozkami ŭ Jeŭrasajuz. Kab abyści kankurentaŭ i zajmieć bolš klijentaŭ, jon vyrašyŭ pisać danosy na inšyja firmy.
Tak, z sakavika 2023 hoda pa luty 2024-ha jon słaŭ u adpaviednyja orhany i inšyja dziaržaŭnyja ŭstanovy Biełarusi ananimki. Tam ipešnik abvinavačvaŭ pieravozčykaŭ-kankurentaŭ u roznych złačynstvach, u tym liku ciažkich i asabliva ciažkich.
Naprykład, paviedamlaŭ pra nibyta pieravozku praź miažu narkotykaŭ, ahniastrelnaj zbroi, pra karupcyju i «ekstremizm».
Bolš za toje, niekalki iłžyvych ananimak jon napisaŭ i na svaich klijentaŭ, kab adpomścić za byłyja kanflikty.
Usiaho minčuku inkryminujuć 18 epizodaŭ złačynnaj dziejnaści.
Ciapier čytajuć
KDB aryštavaŭ padazronaha aktyvista Paŭła Bialucina. U jakoj krainie heta adbyłosia, nieviadoma8
Kamientary