30 červienia ŭ Biełaruś z aficyjnym vizitam prybyła, jak paviedamlaje BiełTA, «uradavaja delehacyja ź Livii». U minskim aeraporcie haściej sustrakaŭ vice-premjer Biełarusi Viktar Karankievič. Metaj vizitu zajaŭlena ŭmacavańnie dvuchbakovaha supracoŭnictva pa roznych napramkach.
U ramkach vizitu livijskaja delehacyja płanuje pravieści sustrečy z kiraŭnictvam Biełarusi, a taksama naviedać biełaruskija pradpryjemstvy, miedycynskija i navučalnyja ŭstanovy.
Chto mienavita ŭvachodzić u skład hetaj delehacyi, nie paviedamlajecca.
U lutym u Minsku ŭžo byvaŭ fieldmaršał i hałoŭnakamandujučy Livijskaj nacyjanalnaj armii Chalifa Chaftar. Tady baki paćvierdzili namier raźvivać partniorstva. U adkaz u mai biełaruskija pradstaŭniki na čale z tym ža Viktaram Karankievičam naviedali Liviju, dzie abmiarkoŭvałasia supracoŭnictva ŭ halinie pramysłovaści, sielskaj haspadarki, achovy zdaroŭja i inšych śfierach.
U Livii ciapier idzie hramadzianskaja vajna i centralny ŭrad u Trypali nie kantraluje bolšuju častku terytoryi krainy. Na niepadkantrolnaj terytoryi vaładaryć Livijskaja nacyjanalnaja armija na čale z Chalifoj Chaftaram, i mienavita ź im i jahonymi paplečnikami raźvivaje adnosiny režym Łukašenki.
U Biełaruś prylacieŭ hałoŭnakamandujučy Livijskaj nacyjanalnaj armii z synam i hienierałami
Livijskaha fieldmaršała Chaftara ŭ Minsk pryvieźli na samalocie Łukašenki
Łukašenka — livijskamu fieldmaršału: Vy pryjechali da svaich siabroŭ, da siabie dadomu
Livijskaja delehacyja abmiarkoŭvała ŭ Minsku ŭzmacnieńnie VPS i madernizacyju vajskova-marskoj bazy ŭ Tabruku
U Liviju palacieła ź nieanansavanym vizitam pradstaŭničaja delehacyja biełaruskich čynoŭnikaŭ
U Biełarusi prachodzili padrychtoŭku livijskija śpiecnazaŭcy FOTY
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła24
Kamientary