U Liviju palacieła ź nieanansavanym vizitam pradstaŭničaja delehacyja biełaruskich čynoŭnikaŭ
Biełaruskaja ŭradavaja delehacyja prybyła 9 sakavika ŭ livijski horad Bienhazi dla ŭdziełu ŭ pieramovach z uradam Uschodniaj Livii. Biełaruskija dziaržaŭnyja ŚMI pra vizit ničoha nie paviedamlajuć, ale pres-słužba ŭrada Uschodniaj Livii vykłała fotaspravazdaču, piša Reform.news.
Miarkujučy z fotaspravazdač pres-słužby ŭrada Uschodniaj Livii, delehacyja ź Biełarusi prybyła na biznes-džecie. 10 sakavika ź Mienska ŭ Bienhazi i nazad lotaŭ taksama Boeing 737 «Biełavija».
U skład delehacyi ŭvajšli vice-premjer Viktar Karankievič, kiraŭnik KDB Ivan Cierciel, ministr sielskaj haspadarki i charčavańnia Juryj Horłaŭ, ministr pramysłovaści Alaksandr Jafimaŭ, ministr achovy zdaroŭja Alaksandr Chadžajeŭ, ministr pa nadzvyčajnych situacyjach Vadzim Siniaŭski, ministr adukacyi Andrej Ivaniec, staršynia kancerna «Biełnaftachim» Illa Ikan, pieršy namieśnik ministra zamiežnych spraŭ Siarhiej Łukaševič.
Ź livijskaha boku ŭ sustrečy pryniali ŭdzieł ministr pramysłovaści i minierałaŭ Machamied Abdelkader, ministr sielskaj haspadarki Junis Chasan, ministr achovy zdaroŭja Asman Abdel Džalil, ministr elektraenierhietyki i adnaŭlalnych krynic enierhii Auad Al-Badry, vykanaŭca abaviazkaŭ ministra vyšejšaj adukacyi i navukovych daśledavańniaŭ Machdzi Šuajb, kiraŭnik Nacyjanalnaha ahienctva raźvićcia Džabryl Al-Badry, daradca premjer-ministra pa hramadskich pytańniach Salem Aš-Šaryf, daradca i kiraŭnik aparata premjer-ministra Salech Al-Manafi.
«Na šlachu da stratehičnaha partniorstva Livii i Biełarusi plonnaja ministerskaja sustreča zaviaršyłasia padpisańniem šerahu važnych damoŭlenaściaŭ pamiž premjer-ministram Usamaj Chamadam i vice-premjeram Biełarusi Viktaram Karankievičam, jakija zadali ton novamu etapu supracoŭnictva ŭ roznych halinach u padtrymku raźvićcia i budaŭnictva ŭ Livii», — havorycca ŭ paviedamleńni pres-słužby livijskaha ŭrada.
Paviedamlajecca taksama pra sustreču kiraŭnika «Biełnaftachima» z v. a. staršyni praŭleńnia kampanii Arabian Gulf Oil (AGOCO) Auadam Kuajderam. Na sustrečy taksama prysutničaŭ ministr elektraenierhietyki i adnaŭlalnych krynic enierhii Livii Auad Al-Badry. Illa Ikan padaryŭ livijskim kaleham pled.
«Padčas pieramoŭ baki abmierkavali miechanizmy pracy sumiesnaj kantaktnaj hrupy pa realizacyi padpisanaha pahadnieńnia ŭ naftavym siektary. Jano achoplivaje klučavyja napramki, takija jak hieołaharaźviedka, raźvićcio technałohij zdabyčy pryrodnych resursaŭ, pastaŭki abstalavańnia i techniki dla hornazdabyŭnoj haliny, a taksama ŭdaskanaleńnie enierhietyčnaha siektara ŭ adpaviednaści ź pieradavymi suśvietnymi standartami i technałohijami», — paviedamlaje ŭrad Uschodniaj Livii.
Navošta ŭradavuju delehacyju supravadžaŭ staršynia KDB, nie paviedamlajecca, adnak možna mierkavać, što Ivan Cierciel kuryruje adnosiny z častkaj Livii, padkantrolnaj fieldmaršału Chalifie Chaftaru. Mienavita kiraŭnik KDB sustrakaŭ Chaftara ŭ Miensku kala trapa samalota 17 lutaha, a zatym supravadžaŭ padčas usiaho vizitu ŭ Biełaruś.
Pa paviedamleńni livijskich miedyja, vizit fieldmaršała Livijskaj nacyjanalnaj armii (ŁNA) Chalify Chaftara i jaho synoŭ, Sadama i Chaleda, u Biełaruś byŭ nakiravany na ŭmacavańnie suviaziaŭ ź Minskam u vajskovaj śfiery, u pryvatnaści havorka išła pra ŭzmacnieńnie VPS i madernizacyju vajskova-marskoj bazy ŭ Tabruku. Taksama stała viadoma, što padraździaleńni śpiecnaza Hienštaba ŁNA prachodziać padrychtoŭku ŭ Biełarusi.
Livijskaja delehacyja abmiarkoŭvała ŭ Minsku ŭzmacnieńnie VPS i madernizacyju vajskova-marskoj bazy ŭ Tabruku
Łukašenka — livijskamu fieldmaršału: Vy pryjechali da svaich siabroŭ, da siabie dadomu
Livijskaha fieldmaršała Chaftara ŭ Minsk pryvieźli na samalocie Łukašenki
U Biełaruś prylacieŭ hałoŭnakamandujučy Livijskaj nacyjanalnaj armii z synam i hienierałami
Ciapier čytajuć
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach8
Kamientary