30 чэрвеня ў Беларусь з афіцыйным візітам прыбыла, як паведамляе БелТА, «урадавая дэлегацыя з Лівіі». У мінскім аэрапорце гасцей сустракаў віцэ-прэм’ер Беларусі Віктар Каранкевіч. Мэтай візіту заяўлена ўмацаванне двухбаковага супрацоўніцтва па розных напрамках.
У рамках візіту лівійская дэлегацыя плануе правесці сустрэчы з кіраўніцтвам Беларусі, а таксама наведаць беларускія прадпрыемствы, медыцынскія і навучальныя ўстановы.
Хто менавіта ўваходзіць у склад гэтай дэлегацыі, не паведамляецца.
У лютым у Мінску ўжо бываў фельдмаршал і галоўнакамандуючы Лівійскай нацыянальнай арміі Халіфа Хафтар. Тады бакі пацвердзілі намер развіваць партнёрства. У адказ у маі беларускія прадстаўнікі на чале з тым жа Віктарам Каранкевічам наведалі Лівію, дзе абмяркоўвалася супрацоўніцтва ў галіне прамысловасці, сельскай гаспадаркі, аховы здароўя і іншых сферах.
У Лівіі цяпер ідзе грамадзянская вайна і цэнтральны ўрад у Трыпалі не кантралюе большую частку тэрыторыі краіны. На непадкантрольнай тэрыторыі валадарыць Лівійская нацыянальная армія на чале з Халіфой Хафтарам, і менавіта з ім і ягонымі паплечнікамі развівае адносіны рэжым Лукашэнкі.
У Беларусь прыляцеў галоўнакамандуючы Лівійскай нацыянальнай арміі з сынам і генераламі
Лівійскага фельдмаршала Хафтара ў Мінск прывезлі на самалёце Лукашэнкі
Лукашэнка — лівійскаму фельдмаршалу: Вы прыехалі да сваіх сяброў, да сябе дадому
Лівійская дэлегацыя абмяркоўвала ў Мінску ўзмацненне ВПС і мадэрнізацыю вайскова-марской базы ў Табруку
У Лівію паляцела з неанансаваным візітам прадстаўнічая дэлегацыя беларускіх чыноўнікаў
У Беларусі праходзілі падрыхтоўку лівійскія спецназаўцы ФОТЫ
Цяпер чытаюць
Бабарыка тры хвіліны адказваў на пытанне, чый Крым. Так і не адказаў144
Каментары