U Maskvie pačałasia restaŭracyja fasadaŭ histaryčnaha budynka pasolstva Biełarusi
U ramkach restaŭracyi śpiecyjalistam treba budzie pryvieści ŭ paradak lapny dekor asabniaka, vonkavyja leśvicy, bałkony i žanočyja skulptury na fasadzie budynka, a taksama histaryčnuju aharodžu.
U centry Maskvy pačałasia restaŭracyja fasadaŭ hałoŭnaha doma siadziby Rumiancava-Zadunajskaha, paviedamlaje maskoŭskaja meryja.
Trochpaviarchovy budynak u Basmannym rajonie (vulica Marasiejka, dom 17/6, budynak 1) — abjekt kulturnaj spadčyny fiederalnaha značeńnia. Viadoma, što ŭ hetym domie byvali piśmieńnik Mikałaj Karamzin i paety Vasil Žukoŭski i Piotr Viaziemski.
Dom pabudavali ŭ 1782 hodzie ŭ styli eklektyki z elemientami kłasicyzmu i baroka. Pytańnie ab aŭtarstvie prajekta zastajecca adkrytym — na dumku niekatorych ekśpiertaŭ, jano naležyć Maćvieju Kazakovu, pa viersii inšych — Vasilu Baženavu.
U 1793 hodzie haspadarom doma staŭ pałkavodziec hienierał-fieldmaršał Piotr Rumiancaŭ-Zadunajski. Sučasny vyhlad asabniak nabyŭ da 1880-ch hadoŭ, kali architektar Hieorhij Kajzier dapoŭniŭ jaho fasad dekoram, u pryvatnaści, skulpturami žančyn, jakija trymajuć u rukach liry. Pad karnizam raźmieščany hierb ź lapnymi fihurami aniołaŭ.
U druhoj pałovie 1950-ch hadoŭ siadzibu pieradali pad pradstaŭnictva Biełaruskaj SSR.
Ciapier čytajuć
Dźvie ŭdačy, dziakujučy jakim adbyłasia karjera novaha pres-sakratara MZS Rusłana Varankova13
Dźvie ŭdačy, dziakujučy jakim adbyłasia karjera novaha pres-sakratara MZS Rusłana Varankova
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary