Šamietaviec: Paśla źniknieńnia ni Mielnikava, ni ad jaje imia na «Kibierpartyzanaŭ» nie vychodzili. Jana nie maje čym nas šantažavać
Pradstaŭnica inicyjatyvy «Kibierpartyzany» Julijana Šamietaviec raskazała Radyjo Svaboda, da jakoj infarmacyi mieła dostup źnikłaja Anžalika Mielnikava.
— «Kibierpartyzany» znachodzilisia ŭ dziełavych adnosinach sa śpikierkaj Kaardynacyjnaj Rady Anžalikaj Mielnikavaj. Ciapier źjaviłasia šmat infarmacyi pra toje, što jana była źviazanaja ź biełaruskimi śpiecsłužbami. Ci mahła dalikatnaja infarmacyja pra vas uciačy praź jaje biełaruskim śpiecsłužbam, ci mahli jany praź jaje manipulavać vami?
— My ad samaha pačatku budavali našy adnosiny z Anžalikaj, jak i ź inšymi ludźmi, takim čynam, kab nijakaja adčuvalnaja infarmacyja nie traplała da našych surazmoŭcaŭ. I tamu manipulavać prosta nie było čym. Jana viedała tolki publičnych asobaŭ našaj inicyjatyvy, takich, jak ja. Nijakich kantaktaŭ z našymi chakierami, z našymi supracoŭnikami, jakija ažyćciaŭlajuć praktyčnuju dziejnaść inicyjatyvy. Jana nie viedała, ani płanaŭ ani stratehij našych dziejańniaŭ. Jana zajmałasia niekatorymi biurakratyčnymi pytańniami, składańniem damovaŭ, pracaj pa buchhałtarskich prablemach.
Darečy, paśla jaje źniknieńnia na nas ni jana sama, ni ad jaje imia, nie vychodzili. Ničym z taho, što jana viedała, nas niemahčyma šantažavać ci nami manipulavać.
Niepryjemnaja situacyja, ale my zaŭsiody sychodzim z taho, što čałavieka mohuć zavierbavać i z ulikam hetaha my vybudoŭvajem kamunikacyju. Ale kali ni z kim ni pra što nie razmaŭlać, a tolki siadzieć na kanapie, dyk tady naohuł nijakaj pracy nie budzie.
— Ci nie sprabavała Anžalika ŭ vas atrymać niejkuju infarmacyju? I ci nie prapanoŭvała niejkija apieracyi, jakija varta było b pravieści ŭ Biełarusi?
— Nie, nijakija prajekty ŭ Biełarusi jana zrabić nie prapanoŭvała. U jaje byli idei, jak možna niešta prasoŭvać u miedyja, jak znajści donaraŭ, ale i pra heta hutarki byli ŭ dosyć ahulnym płanie. U nas ź joj byli davoli dobryja adnosiny. Ale jana ničoha ŭ mianie nie pytałasia i pra majo žyćcio ŭ ZŠA, pra maju siamju. Pa idei, kali jana pracavała suprać nas, dyk musiła pra niešta praktyčnaje pytacca. Ale nie pytałasia.
Stała viadoma, chto lotaŭ na Šry-Łanku razam z Anžalikaj Mielnikavaj i jaje ahientam
«Mielnikava nie ŭpisvajecca ŭ vobraz zakachanaj durnički». Prakopjeŭ ahučyŭ svaju viersiju
«Muž byŭ suprać taho, kab Anžalika sustrakałasia ź dziećmi ź inšym mužčynam». Aŭtar rasśledavańnia pra Mielnikavu padzialiŭsia niekatorymi detalami
Kachanak Mielnikavaj Alaksiej Łabiejeŭ słužyŭ u KDB z 2019 hoda
Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam
Adnakurśnik pra kachanka Mielnikavaj: Łabiejeŭ jašče va ŭniviersitecie časam vykarystoŭvaŭ psieŭdanim «Hardziejeŭ»
«Mahčyma, jana źbiehła ad kachanka, ci jon jaje zabiŭ, ci jana ŭ Biełarusi». Aŭtar rasśledavańnia pra Anžaliku Mielnikavu
Kachanak Anžaliki Mielnikavaj — ahient biełaruskich śpiecsłužbaŭ z pašpartam prykryćcia
Kamientary
A jeŝio možno ispolzovať hadanije na kartach taro, horoskopy i numierołohiju. Infa 💯