Rasija atakavała Kijeŭ «šachiedami» i balistykaj. Dziasiatki paranienych, pažary i pierakrytyja vulicy
Nočču 4 lipienia Rasija ździejśniła čarhovuju masavuju pavietranuju ataku na Ukrainu. U jaje epicentry apynuŭsia Kijeŭ, tam paciarpieli niekalki rajonaŭ.
Pačynajučy ź viečara čaćviarha ŭ pavietranaj prastory Ukrainy pačali fiksavać vialikuju kolkaść udarnych dronaŭ. Nočču rasijanie zapuścili niekalki balistyčnych rakiet. U vyniku abstrełu zafiksavanyja masavyja pažary, taksama jość jak minimum 23 paciarpiełych.
U Sałamianskim rajonie dron udaryŭ pa piacipaviarchovym žyłym domie — tam źniščanyja kvatery na druhim i trecim pavierchach. Jość pahroza abrynańnia.
Vialiki pažar zafiksavany ŭ rajonie aeraporta «Žulany». Tam znachodziacca pazicyi sistemy SPA Patriot.
Praz nastupstvy abstrełu va ŭkrainskaj stalicy pieriekryli niekatoryja vulicy, praz heta ŭ Kijevie ŭźnikli zatory. Taksama praz šmatlikija pažary ŭ horadzie zafiksavanaje paharšeńnie jakaści pavietra. Žycharam nie rekamiendujuć adčyniać vokny i vychodzić na vulicu biez peŭnaj patreby.
Usiaho Pavietranyja siły Ukrainy zafiksavali 550 pavietranych celaŭ: 539 bieśpiłotnikaŭ i 11 rakiet. USU ŭdałosia źbić 268 dronaŭ, a taksama 2 rakiety «Iskander-K». Jašče 208 «šachiedaŭ» łakacyjnaj stračanyja i svaich met nie dasiahli.
-
Pry ŭdary pa Samary, vierahodna, paškodzili cech, dzie vyrablajuć elektronnaje abstalavańnie dla rakiet-nośbitaŭ «Sajuz-2»
-
Rasijski piensijanier zahinuŭ na vajnie. Zatoje jaho siastry-biełaruscy pašancavała — atrymała adnu piatuju «Łady»
-
Ukrainskija rakiety nanieśli ŭdar pa rakietnym zavodzie ŭ Samary
Kamientary