Sachaščyk pačaŭ prodažy kvater u svaim novym prajekcie pad Varšavaj
Kampanija Sahaty maje ŭsie šancy, kab zachavać status najbujniejšaha budaŭničaha biznesu ź biełaruskim kapitałam u Polščy pa vynikach 2024 hoda.
U pačatku leta kampanija Valeryja i Aleha Sachaščykaŭ Chicago Urban Development skončyła prodaž kvater u pieršym dla ich deviełapierskim prajekcie Osiedle Raclawicka ŭ horadzie Mščonaŭ za 40 kiłamietraŭ ad Varšavy.
Jak daviedaŭsia telehram-kanał Vadzima Siachoviča, kampanija praktyčna adrazu prystupiła da realizacyi žyłoj nieruchomaści ŭ novym kompleksie Zakatek Chmielna ŭ susiednim horadzie Žyrardaŭ.
Jak paviedamlaje deviełapier, na hety momant u im pradajucca 8 apartamientaŭ u pieršych dvuch damach, jakija pačali budavacca. Ich płošča — ad 55,55 kv.m. da 99,43 kv.m.
Košt nieruchomaści ad bratoŭ Sachaščykaŭ znachodzicca ŭ miežach 113-215 tysiač dalaraŭ.
Usiaho ŭ ramkach Zakatek Chmielna budzie ŭźviedziena 15 damoŭ z 60 kvaterami i apartamientami. Hienieralnym padradčykam žyłoha kompleksu źjaŭlajecca budaŭničaja kampanija byłoha člena Abjadnanaha pierachodnaha kabinieta Valeryja Sachaščyka i jaho svajakoŭ Sahaty.
U 2023 hodzie jana stała najbujniejšym budaŭničym biznesam ź biełaruskim kapitałam u Polščy. I ŭ jaje jość usie šancy, kab zachavać hety status i pa vynikach 2024 hoda.
Hałoŭny supiernik Sahaty za pieršy radok, urocłaŭskaja kampanija BSK, u kancy 2024 hoda, abviaściła ab prypynieńni svajoj dziejnaści. Pryčyny, jakija padachvocili pajści na taki krok jaje ŭładalnika Kanstancina Kalinoŭskaha, nie nazyvalisia.
Valeryj Sachaščyk kamandavaŭ bresckimi desantnikami. Užo budučy ŭ adstaŭcy, u 2020-m jon padtrymaŭ narod na pratestach. A kali Rasija napała na Ukrainu, rezka asudziŭ Pucina. Dva hady jon byŭ u kabiniecie ŭ Cichanoŭskaj, potym znoŭ z kancami pajšoŭ nazad u biznes.
-
Maładaja siamja z Žodzina raskazała, jak u čatyry razy skaraciła vydatki na ježu
-
Cichanoŭskaja źviarnułasia da ŭkraincaŭ: My, biełarusy, viedajem, što takoje Rasija. My viedajem jaje impierskija apietyty
-
Žychary doma ŭ «Minsk-Śviecie»: Tempieratura ŭ pakojach — nižej za 18 hradusaŭ, śpim pad dźviuma koŭdrami
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»12
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary