Biełaruski školny nastaŭnik raskazaŭ, kolki zarablaje na fiermie ŭ Niderłandach
Užo niekalki miesiacaŭ Ivan pracuje na hałandskich fiermach. Za miesiac jon moža zarabić značna bolš, čym pa svajoj prafiesii ŭ Biełarusi.
Čatyry hady mužčyna pracavaŭ na budoŭli ŭ Maskvie, zvolniŭsia i dumaŭ znajści pracu ŭ Biełarusi — nie atrymałasia. Tady Ivan rušyŭ pa zarobak u Niderłandy. Pra pracu tam jon raspaviadaje ŭ sacsietkach.
Kala dvuch miesiacaŭ u jaho zaniaŭ praces afarmleńnia vizy i karotkaj adpracoŭki ŭ Polščy. Užo na druhi dzień u Niderłandach mužčyna zmoh pracavać — na miascovaj fiermie.
Zvyčajny zarobak tam — 14,06 jeŭra za hadzinu. Raskład va ŭsich rabotnikaŭ rozny, ale adpracavać možna i 160 hadzin za miesiac. Atrymlivajecca kala 2250 jeŭra bruta.
Siaredni zarobak nastaŭnikaŭ u Biełarusi — 2507 rubloŭ bruta (danyja Biełstata za studzień-maj 2025 hoda). Heta kala 730 jeŭra.
Pa dośviedzie Ivana, samaja składanaja praca na fiermie — heta zbor brokali. A voś pracavać z kvietkami było praściej.
Šmat zaležyć jašče i ad taho, na jakoha fiermiera pracuje čałaviek, tłumačyć biełarus. Adnojčy jon pracavaŭ na kiraŭnika, jaki šmat krytykavaŭ, navat kali praca rabiłasia dobra. Ci, naprykład, techničnyja prastoi ŭ pracy nie zaličvalisia ŭ zarobak.
Žyllo dla rabotnikaŭ taksama byvaje roznym — biełarusu davodziłasia płacić i pa 90 jeŭra za tydzień.
Cikavaja detal, jakaja sustrakajecca ŭ hałandskich domikach, — płatny duš. Za 5 chvilin haračaj vady vas mohuć paprasić zapłacić 50 centaŭ.
Paśla pracy ŭ Niderłandach Ivan choča viarnucca ŭ Biełaruś, dzie jaho čakaje žonka.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary