Bieły dom pryznaŭ, što Tramp pytaŭsia ŭ Zialenskaha pra mahčymaść «udaryć pa Maskvie»
Pres-sakratarka Biełaha doma Kerałajn Livit zajaviła, što paviedamleńni ŚMI pra apošniuju razmovu prezidenta ZŠA Donalda Trampa i kiraŭnika ŭkrainskaj dziaržavy Uładzimira Zialenskaha adnosna patencyjnaha «ŭdaru pa Maskvie» byli vyrvanyja z kantekstu, piša «Jeŭrapiejskaja praŭda».
Pavodle infarmacyi vydańniaŭ Financial Times i The Washington Post, padčas razmovy ź Zialenskim napiaredadni Donald Tramp spytaŭ, ci moža Kijeŭ nanieści ŭdar pa Maskvie i Sankt-Pieciarburhu.
Krynica FT śćviardžaje, što prezident ZŠA zaklikaŭ «prymusić ich [Rasiju. — red.] adčuć bol» i padšturchnuć da mirnych pieramoŭ. Zialenski, havorycca ŭ materyjale The Washington Post, paćvierdziŭ, što Ukraina moža ŭdaryć pa rasijskaj stalicy, «kali vy daście nam nieabchodnuju zbroju».
Kamientujučy hetyja paviedamleńni, pres-sakratarka Biełaha doma abvinavaciła Financial Times u «vyryvańni słoŭ z kantekstu, kab atrymać kliki».
«Prezident Tramp tolki zadavaŭ pytańni, a nie zaklikaŭ da dalejšych zabojstvaŭ. Jon niastomna pracuje, kab spynić zabojstvy i pakłaści kaniec hetaj vajnie», — dadała jana.
Paźniak: Kerałajn Livit — heta prosta znachodka vieku
Pres-sakratarka Biełaha doma molicca pierad kožnaj kamunikacyjaj z žurnalistami
Tramp adhavaryŭ respublikancaŭ ad padtrymki zakona ab «piakielnych sankcyjach» suprać Rasii
Tramp razhladaje mahčymaść pastavak Ukrainie rakiet Tomahawk
«Patelefanujcie Pucinu»: Rute papiaredziŭ Kitaj, Indyju i Braziliju pra druhasnyja sankcyi
Miadźviedzieŭ pra ŭltymatum Trampa: Rasii ŭsie roŭna
Kamientary