Sioleta klaščy kusajuć biełarusaŭ amal na 11% čaściej, čym letaś
Za pieršyja šeść miesiacaŭ 2025 hoda ŭ miedustanovy źviarnulisia bolš za 16 tysiač čałaviek z-za prysmoktvańnia kleščaŭ. Heta na 10,8% bolš, čym za anałahičny pieryjad u minułym hodzie, paviedamlaje Ministerstva achovy zdaroŭja.
Najbolš vypadkaŭ zafiksavana ŭ Hrodzienskaj i Bresckaj abłaściach, a taksama ŭ Minsku. Najmienš — u Minskaj i Viciebskaj abłaściach. U bolšaści vypadkaŭ (bolš za 70%) kleščy napadali ŭ lasach, ale sustrakajucca jany taksama na prysiadzibnych učastkach i navat u nasielenych punktach.
Ale jość i dobryja naviny. Što tyčycca zaražeńnia chvarobami, jakija pieranosiać klaščy, naprykład, Łajm-barelijozam i kleščavym encefalitam, to miedyki adznačajuć źmianšeńnie kolkaści takich vypadkaŭ prykładna ŭ 1,2 raza.
Minzdaroŭja nahadvaje asnoŭnyja miery zaściarohi ad klaščoŭ:
- u lesie i parkach treba apranacca ŭ śvietłuju vopratku z doŭhimi rukavami i kałašynami;
- vykarystoŭvać repielenty suprać klaščoŭ, u tym liku dla žyvioł;
- abaviazkova pravodzić ahlad siabie, dziaciej i žyvioł paśla prahułki;
- pić tolki kipiačonaje kazinaje małako (byli vypadki zaražeńnia encefalitam praz syroje małako);
- nie dapuskać zarastańnia ŭčastkaŭ travoj, pravodzić deratyzacyju i apracoŭku terytoryi ad klaščoŭ.
Najlepšaja abarona ad kleščavoha encefalitu — heta vakcynacyja. Jana składajecca ź dźviuch pryščepak i daje praciahłuju abaronu. Dla padtrymańnia imunitetu rekamiendujecca rabić revakcynacyju kožnyja 3—5 hadoŭ.
U vypadku nieabchodnaści chutkaha stvareńnia imunitetu možna skarystacca ekstrannaj schiemaj vakcynacyi — dźvie pryščepki ź intervałam u 14 dzion.
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje22
Kamientary