Сёлета кляшчы кусаюць беларусаў амаль на 11% часцей, чым летась
За першыя шэсць месяцаў 2025 года ў медустановы звярнуліся больш за 16 тысяч чалавек з-за прысмоктвання клешчаў. Гэта на 10,8% больш, чым за аналагічны перыяд у мінулым годзе, паведамляе Міністэрства аховы здароўя.
Найбольш выпадкаў зафіксавана ў Гродзенскай і Брэсцкай абласцях, а таксама ў Мінску. Найменш — у Мінскай і Віцебскай абласцях. У большасці выпадкаў (больш за 70%) клешчы нападалі ў лясах, але сустракаюцца яны таксама на прысядзібных участках і нават у населеных пунктах.
Але ёсць і добрыя навіны. Што тычыцца заражэння хваробамі, якія пераносяць кляшчы, напрыклад, Лайм-барэліёзам і клешчавым энцэфалітам, то медыкі адзначаюць змяншэнне колькасці такіх выпадкаў прыкладна ў 1,2 раза.
Мінздароўя нагадвае асноўныя меры засцярогі ад кляшчоў:
- у лесе і парках трэба апранацца ў светлую вопратку з доўгімі рукавамі і калашынамі;
- выкарыстоўваць рэпеленты супраць кляшчоў, у тым ліку для жывёл;
- абавязкова праводзіць агляд сябе, дзяцей і жывёл пасля прагулкі;
- піць толькі кіпячонае казінае малако (былі выпадкі заражэння энцэфалітам праз сырое малако);
- не дапускаць зарастання ўчасткаў травой, праводзіць дэратызацыю і апрацоўку тэрыторыі ад кляшчоў.
Найлепшая абарона ад клешчавога энцэфаліту — гэта вакцынацыя. Яна складаецца з дзвюх прышчэпак і дае працяглую абарону. Для падтрымання імунітэту рэкамендуецца рабіць рэвакцынацыю кожныя 3—5 гадоў.
У выпадку неабходнасці хуткага стварэння імунітэту можна скарыстацца экстраннай схемай вакцынацыі — дзве прышчэпкі з інтэрвалам у 14 дзён.
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос22
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5151
Каментары