Biełaruski hiniekołah u Varšavie Hanna Kasko ŭ minułym miesiacy zarabiła $45 tysiač

Hiniekołah Hanna Kasko pierajechała ŭ Polšču čatyry hady tamu. Ciapier jana adna z samych viadomych śpiecyjalistaŭ Varšavy.

U padkaście Lera Ruma, Hanna raskazała, što jana jak hiniekołah u pryvatnaj klinicy za adny rody atrymlivaje kala 1800 złotych (kala 485 dołaraŭ). Ale, jak zapeŭnivaje žančyna, jana zarablaje dobra.

U minułym miesiacy, pa słovach Hanny, jaje zarobak 45 tysiač dalaraŭ u ekvivalencie. Heta jaje rekord.

Minimalna jana atrymlivała prykładna 25 tysiač dalaraŭ — u miesiac, kali źjazdžała ŭ adpačynak.

Žančyna raskazvaje, jak u jaje atrymlivajecca stolki zarablać:

«Hety try pracy — dva centry i raddom. (…) Nie kožny tak pracuje. (…) Z šostaj ranku da 10-j viečara. Pačatak u 6:00-6:30, jak tam zapisalisia.. (…)

Ja mahu da 8-j [viečara] papracavać. Mahu da 7-j viečara, kali mnie treba pajści na paznohci. A tak ja jak zachaču, tak i pracuju. (…) Heta kožny dzień, akramia niadzieli. I to ŭ niadzielu ŭ mianie byvajuć rody. (…) Nu ja nie skažu, što mnie ciažka. Ja šmat pracuju, ale ja pracuju ŭ zadavalnieńnie», — davodzić doktar.

Zaroblenyja hrošy, jak śćviardžaje Hanna, jana nakiroŭvaje ŭ raźvićcio ŭłasnaha biźniesu — miedycynski centr u Varšavie.

Pa słovach Hanny, z 450 złotych (kala 120 dołaraŭ), jaki biare pryvatny centr za pryjom hiniekołaha z UHD, joj zastajecca 60%.

Pry hetym, jak adznačaje doktar, jana nie prychilnica roznych pakietaŭ pasłuh, kštałtu supravadžeńnia ciažarnaści. Bo ŭ kožnaj žančyny svaja situacyja, jakuju nielha praduhledzieć u standartnym pakiecie.

«Naprykład, ja chaču vam dadać białok, fierycin, vitamin D, a heta nie ŭklučana ŭ standartnyja pakiety», — tłumačyć Kasko i dadaje, što joj samoj niecikava, kab pacyjent zatrymaŭsia:

«Ty prychodziš da doktara, ty nie viedaješ jaho. Moža, vy voźmiecie hety pakiet, a ja vam nie spadabajusia. Vy zapłacicie za jaho, i vam potym sa mnoj nie zachočacca. Nu voś byvaje ž takoje.

Ja liču, što treba raz, druhi raz pryjści i pahladzieć na doktara. Kali tabie padabajecca, usio, zastajomsia. Vybiraje jak doktar vas, tak i vy jaho. Heta značyć, tut pavinna być usio ŭzajemna. Heta vielmi važna, tamu što jak projdzie vaša ciažarnaść, jakija zastanucca ŭ vas uražańni pra jaje. Ja za toje, kab prychodzili na pryjom i płacili za hety raz.

I tady čałaviek da ciabie nie pryviazany. Jon moža zaŭsiody pierajści da inšaha doktara, kali zachoča».

• 54
• 7
• 3
• 6
• 4
• 1
• 0
• 1