U pakistanskim ledaviku znajšli cieła čałavieka, jaki źnik 28 hadoŭ tamu. Jano amal nie paškodžanaje
Na ŭschodzie Pakistana ŭ ledaviku, jaki pačaŭ rastavać, pastuch znajšoŭ cieła mužčyny, jaki źnik 28 hadoŭ tamu. Trup dobra zachavaŭsia, a adzieńnie zastałosia amal niepaškodžanym. Pobač znajšli dakumienty, dziakujučy jakim udałosia ŭstanavić asobu — heta byŭ Nasirudzin, jaki źnik u červieni 1997 hoda padčas śniežnaj bury, kali ŭpaŭ u raskolinu ledavika, piša Bi-bi-si.
U suviazi z klimatyčnymi źmienami ŭ rehijonie stała mienš śniehu i ledaviki rastajuć chutčej, što i pryviało da znachodki.
Pa słovach pastucha, vidovišča było nievierahodnaje — cieła nibyta tolki što zamierzła.
Nasirudzin u dzień źniknieńnia padarožničaŭ razam z bratam, pakinuŭšy dom praź siamiejnuju svarku. Jon zajšoŭ u piačoru i bolš nie viarnuŭsia. Brat sprabavaŭ jaho znajści, ale biezvynikova.
Pavodle ekśpiertaŭ, ledavik chutka zamarožvaje cieła, nie dajučy jamu raskładacca. Z-za niedachopu vilhaci i kisłarodu ŭ takich umovach cieła faktyčna mumifikujecca.
Ciapier čytajuć
Mikoła Statkievič pavinšavaŭ biełarusaŭ z Dniom Voli, zapisaŭšy pieršaje VIDEA paśla vyzvaleńnia3
Kamientary